牛陣 (卓爾廣場)

营业中

休息中

日本产 特选黑毛和牛 放题套餐(90 分钟) $429位牛阵屯门分店新开张，位于卓尔居商场2楼，环境干净企理，店员有礼貌，收碟好快，仲教我哋点煮牛肉最好。一人一锅，有六款汤底选择，咁靓嘅牛肉当然要配寿喜烧汤啦。食物区分区清楚，有蔬菜🥬，肉丸，饮品，甜品🍮，酱料，熟食，每个区域都执到好干净企理！果然无拣错，牛肉雪花纹理颜色好靓，油脂分布均匀，薄薄一片，每一片都好大块，唔洗煮太耐就可以食得，入口即溶，牛味好浓，非常高质，食咗超多碟！澳洲产长期谷饲牛，虽然油花有和牛咁靓，但牛肉味十足。除咗和牛之外，呢个餐仲跟咗新鲜海鲜拼盘，入面有蟹柳，东风螺，原只鱿鱼🦑，墨鱼，虾滑，扇贝，青口，虾仁🍤，东风螺好正！虾仁口感弹牙，虾滑上面好多蟹籽。热辣辣的关东煮🍢有腐皮福袋，萝卜，鹌鹑蛋，海带结，星星鱼蛋，每款煮得好入味，福袋里便系年糕，煮到好软淋。饮品是罐装，有汽水，果汁，热茶，仲有好少见得无糖嘅冷泡茶，玫瑰茉莉茶，桂花乌龙茶，冻顶乌龙茶。好清新解腻。甜品Häagen-Dazs大雪糕有四款味道士多啤梨🍓，朱古力🍫，焦糖，曲奇🍪。因为食得太多牛肉好饱，所以每样试少少，最钟意系士多啤梨味和焦糖味。