影片
更多
2016-02-01
2501 浏览
妈妈生日想食特别啲嘅嘢，尾尾就提议去食芝士鸡煲(其实系自己想食)。因为订左6PM，所以去到唔驶等就入得，不过当日星期六去到7PM其实都仲有空枱，可能系有人订左位呱。我地三个人叫左个黄金芝士鸡煲(小)、牛颈脊(小)、蒙古羊肉、竹笙墨鱼滑、生菜(全份)、出前一丁同稻庭乌冬。落单后好快就上左黄金芝士鸡煲($148)同配料，有个架放配料唔驶怕成枱都系嘢，都几贴心。芝士鸡煲大火滚左就可以食啦，放左好多芝士喺面，夹起时有牵丝，好正呀！因为芝士始终系腻啲，所以细嘅芝士鸡煲(2-3人份量)就啱啱好。鸡煲用左鸡脾肉，腌得入味，肉质好滑同埋有肉食，唔系净系得骨。连唔太钟意芝士嘅爸爸都食左好多块见好多人推介牛颈脊($188)，所以都叫左黎试下。脂肪分布都算均匀，肉质好腍，有香香嘅牛肉味。虽然系好食嘅，不过咁嘅价钱同质量(唔好以为有好多下面铺左一左萝卜丝小山)，都系觉得有啲小贵蒙古羊肉($98)肉质好腍，都几膻。不过因为我地一家都好钟意食羊肉，所以觉得都几好味。怕膻嘅朋友就唔好叫啦~ 虽然唔差，但系未算系好好食嘅蒙古羊肉。竹笙墨鱼滑($88)有新意！唔记得左影未煮之前个样...爽口竹笙包住弹牙墨鱼滑，口感唔错
我地三个人叫左个黄金芝士鸡煲(小)、牛颈脊(小)、蒙古羊肉、竹笙墨鱼滑、生菜(全份)、出前一丁同稻庭乌冬。
黄金芝士鸡煲(小)
$148
94 浏览
0 赞好
0 留言
牛颈脊(小)
$188
92 浏览
0 赞好
0 留言
蒙古羊肉
$98
91 浏览
1 赞好
0 留言
竹笙墨鱼滑
$88
90 浏览
0 赞好
0 留言
我地一家好钟意食菜，所以叫左生菜(全份 $35)，不过其实份量唔算太多。生菜正常，冇咩特别。
稻庭乌冬($18)唔系好弹牙，同埋吸唔到芝士汤，建议唔好叫。反而出前一丁($12)吸哂芝士汤，好入味。建议临尾收一收汤底，令佢变成杰杰地嘅汁，变成芝士捞丁！
呢度大部分配料都有全份或半份选择，可以根据食量同人数而叫，都几好。值得一讃嘅系佢地会加芝士汁做汤底，唔会愈加汤愈淡。嫌唔够“芝味”可以另加芝士($10)。不过我地觉得够哂味同埋食食下开始腻，所以就冇加喇。总括黎讲，芝士控可以值得一试，如果唔太钟意芝士嘅，倒不如试试麻辣鸡煲。
张贴
