餃掂手工餃子雲吞專門店

路经湾仔，想食清清地，本身都系饺控，见环境干净企埋，门口仲有蔡澜合照，入去试下啦~环境舒适，但唔好坐咁近门口，因为系地舖，仲对住马路，热之余仲坐得无咁舒服好多选择，我地唔系好饿，要净饺就够汤饺跟状元九鼎汤。个汤好似家常汤咁舒服，饮落好似去湿粉葛汤，清清地，饮晒成碗。到主角，元贝猪肉饺。味道可以，但无咩元贝味，亦只见少量元贝丝。猪肉好似不够新鲜，馅料较易散开，饺内肉汁欠奉。外皮不错，厚薄软硬亦适中，胜在大只抵食。到粟米猪肉饺同之前果款感觉差不多，馅料略松散，猪肉亦不够滑身，有点干。黄金皮蛋，只皮蛋系完全无味既，食个质地，就好似象胶咁，完全靠个豉油，都系钟意传统皮蛋多d总括黎讲，呢两款饺只属正常味道，有特式d就系个状元九鼎汤，胜在系湾仔区黎讲算抵食之选，好好味又讲唔上。