影片
更多
2010-06-26
11 浏览
身为曼联趸，晌曼联厅餐睇波感觉好正，因为周围都系曼联名物，自然更加亲切投入，如果有我偶像史特根嘅相，一定埋去影番张合照呀！是夜得Openrice拣中出席「开饭球迷狂欢夜」睇英格兰 VS 斯洛文尼亚嘅直播，荣幸至极，入场费要$280一个人，真系要多谢晒OR同曼联厅餐至得。虽然英格兰唔系我最心水支持嘅国家队，但情意结下都钟意佢，所以尽撑英格兰晌依场分组赛最尾一轮哩个绝地反击，许胜不许和架！先讲个场，全场160个位座无虚席，甚有气氛！ 1. 环境一流，因为地方够宽敞，唔会好似某些Bar/Pub咁，逼到插针都插唔入，遇有精彩闭门或扑救郁吓都难，晌依度就唔会，多咗空间感，起身点郁身郁势都得，唔怕撞亲人。2. 视觉又一流，全场足有17部大电视，梗有一部系左近，无论你坐晌边个位置，都可以尽情睇直播，唔怕错过每个片段。再震撼D嘅，拣坐晌餐厅最尾，有部103吋Plasma超大电视，昼面一样咁清晰，感觉就仲正，影住球员大头时，感觉好似佢就系企晌你隔离咁呀！3. 气氛仲一流，因为全城齐撑英格兰，同声同气自然够晒气势，有进攻就齐齐叫「上呀！上呀！」，有闭门又齐齐叫「射呀！射呀！」，有射门但挞晒Q嘅就更加齐齐「
先讲个场，全场160个位座无虚席，甚有气氛！
1. 环境一流，因为地方够宽敞，唔会好似某些Bar/Pub咁，逼到插针都插唔入，遇有精彩闭门或扑救郁吓都难，晌依度就唔会，多咗空间感，起身点郁身郁势都得，唔怕撞亲人。
2. 视觉又一流，全场足有17部大电视，梗有一部系左近，无论你坐晌边个位置，都可以尽情睇直播，唔怕错过每个片段。再震撼D嘅，拣坐晌餐厅最尾，有部103吋Plasma超大电视，昼面一样咁清晰，感觉就仲正，影住球员大头时，感觉好似佢就系企晌你隔离咁呀！
3. 气氛仲一流，因为全城齐撑英格兰，同声同气自然够晒气势，有进攻就齐齐叫「上呀！上呀！」，有闭门又齐齐叫「射呀！射呀！」，有射门但挞晒Q嘅就更加齐齐「妖妖」声，讲到有靓扑救或靓攻门，拍烂手掌啦，总之，令人好有投入感。
再讲食，大会免费提供每人一份小食，两杯嘢饮，我同个老友就拣咗脆炸洋葱圈同炸鱿鱼圈。因为小弟唔好酒，虽眼见餐牌都有好多选择，可惜未能一尝，只好饮汽水啦！
1. 脆炸洋葱圈 – 脆浆唔算厚，不过一般哩讲，好多餐厅嘅炸洋葱圈都好少失手，依度都系，以佐酒小食哩讲，我几钟意炸洋葱圈。反面点洋葱圈嘅酸忌廉酱就做得几正㖞，唔系就咁一pat现成酸忌廉，内里好似加咗D蔬菜粒同烟肉碎，唔系斋得个酸字，有层次。
2. 炸鱿鱼圈 – 感觉有少少橡筋，配只甜酸酱，普普通通啦！
最后英格兰小胜１：０，当然开心啦，正如下面南瓜兄所讲「是夜有得饮，有得食，有得睇，又有奖品（虽然唔系个个都有）」，仲系免费，点会唔开心呀！
张贴
