巨龜莊韓國料理 (已結業)

寻晚几个人食, 曾经考虑过新罗宝, 但有人话未过呢间, 所以就一试。未齐人, 但大家都好肚饿, 先叫几款唔生要自己烧烤菜式顶顶肚, 蛋包虾, 泡菜煎饼, 酱爆生蚝, 煮辣蟹; 蛋包虾将海虾一开二连鸡蛋浆炸, 做法普通, 但几香口好食; 泡菜煎饼有特色, 好似pizza咁被开几份, 鸡蛋混上泡菜同煎, 辣辣地; 酱爆生蚝好新鲜肥美, 好得! 至于个蟹我就无食, 怕太辣。人齐之后, 再叫肉烧, 特级牛柳, 鹿肉, 鳗鱼, 牛, 羊肉, 猪颈肉, 带子等等, 可以散叫一碟或当餐叫都可以, 当餐叫就跟饭同汤同泡菜; 当中最好吃要数牛, 腌过, 好滑好正, 总之必试; 特级牛柳都几靓, 附上三种酱汁, 其中一种系要烧烤前沾上, 但我觉得反而令件牛柳仲咸, 不过牛柳好靓就真。因为食物都算唔错, 大家好快系一粒钟之内清晒货(仲要食完先知时间尚早), 好饱!服务好唔得, 侍仔成日匿埋唔斟水, 失望! 另冷气好劲, 完成feel唔到热, 直情唔除外套都得; 而且搬过一期之后无窗口位又好肉细, 感觉无咁正。因为有人请, 所以唔知价位!