影片
更多
2023-02-27
2463 浏览
餐厅：Mr Wolf (中环)地址：中环皇后大道70号卡佛大厦5楼中环呢间充满欧式风格嘅Mr Wolf，餐厅名源自于经典游戏同童谣「What’s the time, Mr Wolf？(狐狸先生几多点？)」，呢个香港以至世界各地都街知巷闻嘅作品，活活咁呈现喺餐馆嘅每一个角落，包括墙上嘅时钟🕤、由摄影师拍摄嘅狐狸相片作品📸、随处可见嘅狐狸图案同装饰🦊，都成为咗餐馆嘅一大特色Mr Wolf大厨喺英国人，2017年开业至今一直帮餐厅设计咗多款独特菜式🍽，当中以欧洲菜为主，同时混合新派英式、意式、中式等元素，加上每3个星期就转换一次嘅Lunch Menu，吸引咗唔少人每隔一段时间就返转头一尝佢哋嘅新菜式😋Weekdays嘅Executive Lunch可以拣2 Course($238)或者3 Course($268)，前者有一道前菜同一道主食，后者就再多一款甜品🍰，另外仲可以散叫Mr Wolf嘅Classic菜式，例如炸鱼薯条、和牛汉堡等🍔✝️生腌鲷鱼 配 茴香石榴 酸奶油 (前菜)一碟有3片薄切生腌鲷鱼，加上柚子汁、茴香、石榴同酸奶油，调味过后鲷鱼鲜味得嚟一啲腥咩都无，酸甜嘅滋味令胃口大开😍，鲷
地址：中环皇后大道70号卡佛大厦5楼
中环呢间充满欧式风格嘅Mr Wolf，餐厅名源自于经典游戏同童谣「What’s the time, Mr Wolf？(狐狸先生几多点？)」，呢个香港以至世界各地都街知巷闻嘅作品，活活咁呈现喺餐馆嘅每一个角落，包括墙上嘅时钟🕤、由摄影师拍摄嘅狐狸相片作品📸、随处可见嘅狐狸图案同装饰🦊，都成为咗餐馆嘅一大特色
Mr Wolf大厨喺英国人，2017年开业至今一直帮餐厅设计咗多款独特菜式🍽，当中以欧洲菜为主，同时混合新派英式、意式、中式等元素，加上每3个星期就转换一次嘅Lunch Menu，吸引咗唔少人每隔一段时间就返转头一尝佢哋嘅新菜式😋
Weekdays嘅Executive Lunch可以拣2 Course($238)或者3 Course($268)，前者有一道前菜同一道主食，后者就再多一款甜品🍰，另外仲可以散叫Mr Wolf嘅Classic菜式，例如炸鱼薯条、和牛汉堡等🍔
✝️生腌鲷鱼 配 茴香石榴 酸奶油 (前菜)
一碟有3片薄切生腌鲷鱼，加上柚子汁、茴香、石榴同酸奶油，
调味过后鲷鱼鲜味得嚟一啲腥咩都无，酸甜嘅滋味令胃口大开😍，鲷鱼连埋各种配料一齐食仲提升咗唔少口感上面嘅层次
✝️焗鸡肉馅饼 配 香草芝麻酱 (前菜)
呢款参考北非式嘅千层批，食落有啲似港式春卷🫔，酥脆香口，馅料喺超丰富嘅焗鸡肉粒🐓，仿中东式嘅腌制手法食落有啲似咖喱香料味道，加上中东香草芝麻酱，用去咗壳嘅芝麻打磨而成，入口清新，令馅饼无咁油腻之余亦比一般嘅沙律酱、蛋黄酱更为健康👍
✝️烧乳鸽 配 薯仔 烟肉 西洋菜 马萨拉酒汁 (主食)
喺中式菜入面，烧乳鸽喺一道好常见嘅菜式，Mr Wolf就将乳鸽混入西式香料同带有甜香酒香嘅马萨拉酒汁一齐烤焗🔥，
令乳鸽别具一番惊喜同特色🎉，切开肉汁丰腴嘅乳鸽，入口香嫩一啲都唔嚡又唔会干身，食埋薯仔🥔、烟肉🥓、西洋菜就更加饱肚
✝️烤鹿脊猪肉丸 配 忌廉椰菜 黑椒酱 (主食)
用鹿脊肉同猪肉搓成肉丸拎去烤煮，鹿肩肉嘅油份较少而且带有一种独特嘅肉香🦌，
一丝丝嘅肉碎入口有免治质感，配上黑椒酱同忌廉椰菜、红萝卜一齐食就无咁浓腻，确实喺比较少见嘅一道特色主食
✝️黑朱古力蛋糕配酸樱桃酱 (甜品)
甜品就有餐馆自制嘅黑朱古力蛋糕，面头喺一层由朱古力同鲜奶油整成、充满朱古力浓香嘅甘纳许🍫，底层就有榛子果仁碎🌰，上软下脆嘅口感加上酸樱桃酱一齐食就唔会咁溜，仲有清新鲜甜嘅热情果雪糕🍨，
呢一餐食完饮埋杯Latte都真喺几满足🥰餐厅即日起至3月31号仲推出多个优惠，星期一晚市所有main course食物都有5折；为提倡健康饮食，A La Carte餐牌嘅沙律同素食食物一律有75折，Breakfast and Brunch嘅健康食物亦有同样折扣优惠🤩，原来喺度食健康啲唔单止对身体好啲，对荷包嘅负荷都一样大大减少😝
张贴
