影片
更多
2018-07-01
3798 浏览
今日系漫长假期嘅第二日,同时庆祝我工作咗x多年嘅一餐,呢一个早上,由于附近系商业区,餐厅唔见得多人。 环境同气氛令我谂起欧洲旅行食过嘅小店,我哋被安排坐上层,环境好开扬。 呢盘面包除咗黑色𠮶个之外,其余𠮶两个都好脆好好味,配埋侧边𠮶个黄色嘅牛油加啲盐好香。落单嘅时候有啲混乱,大部分想食嘅如 pork 或者chicken都话冇,仲要西冷rib eye都冇,但又唔想拣mains咁单调,真系有啲扫兴呀! 最后好奇怪又有番 rib eye。不过食物嘅质素可以令你之前𠮶啲扫兴感一扫而空。 呢块肉眼好高质素,一啲都唔撕牙, 牛味浓,加一匙橙色𠮶个酱,又好fresh㖞,车厘茄爆汁鲜甜。 蒜头一粒一粒"笔"出嚟食好软身好滑,食咗大半块肉眼嘅时候,就到以下呢一个出场喇!呢个M5嘅澳牛,用dry aged嘅方法去处理,不单止保留咗肉汁嘅鲜味,而且一啲牛嘅膻味都冇,脂肪分布均匀,但系又冇肥腻感,记得喺澳洲食过嘅有啲唔同, 呢个嘅肉质更加鲜嫩, 而𠮶边位又略带一啲肥膏, 但系入口即溶。 食完呢一碟再食返头先𠮶个肉眼,你会觉得肉眼失色咗。 有啲美中不足嘅就系因为实在太饱喇!冇得食佢𠮶个甜品,失望! 唯有下次再嚟
环境同气氛令我谂起欧洲旅行食过嘅小店,我哋被安排坐上层,环境好开扬。
呢盘面包除咗黑色𠮶个之外,其余𠮶两个都好脆好好味,配埋侧边𠮶个黄色嘅牛油加啲盐好香。落单嘅时候有啲混乱,大部分想食嘅如 pork 或者chicken都话冇,仲要西冷rib eye都冇,但又唔想拣mains咁单调,真系有啲扫兴呀! 最后好奇怪又有番 rib eye。
不过食物嘅质素可以令你之前𠮶啲扫兴感一扫而空。
呢块肉眼好高质素,一啲都唔撕牙, 牛味浓,加一匙橙色𠮶个酱,又好fresh㖞,车厘茄爆汁鲜甜。 蒜头一粒一粒"笔"出嚟食好软身好滑,食咗大半块肉眼嘅时候,就到以下呢一个出场喇!
呢个M5嘅澳牛,用dry aged嘅方法去处理,不单止保留咗肉汁嘅鲜味,而且一啲牛嘅膻味都冇,脂肪分布均匀,但系又冇肥腻感,记得喺澳洲食过嘅有啲唔同, 呢个嘅肉质更加鲜嫩, 而𠮶边位又略带一啲肥膏, 但系入口即溶。 食完呢一碟再食返头先𠮶个肉眼,你会觉得肉眼失色咗。
有啲美中不足嘅就系因为实在太饱喇!冇得食佢𠮶个甜品,失望! 唯有下次再嚟啦!
张贴
