Downtown Hot Dog (已結業)

近排睇杂志讲啲热狗，款式多到眼花辽乱，五花八门，创意无限，勾起小时对食热狗嘅情怀，𠮶阵时一条热狗包，一条烚鸡肉肠，唧啲茄酱都已经喺「豆丁」时代嘅美味食物 。早前，惯常路经嘅如心广场，就晌Downtown Hot Dog 试咗一款惹味热狗，有种久别重逢嘅感觉。餐厅格局好简单，厨房占咗餐厅大部份地方，铺面几张小圆枱，一眼睇晒喺咁大。餐牌上有数款热狗，而另外一块大黑板又有几款特色推介，至于热狗嘅定价为$32-$42。此外，仲有啲小食同饮品，不过选择唔多，但加$18变套餐嘅优惠就最划算，可拣薯条或沙律，再加一杯汤品或饮品 。 德式薯仔沙律（+ $18套餐） 薯仔粉得嚟唔会太烂，味道带有少少酸味，杂香草稍为喺装饰多，再加多啲都无妨，不过，味道虽然唔错，但似乎平淡咗。 南瓜汤（+ $18套餐） 味道几香甜，南瓜打得好蓉，有少少蒜味，质感比一般忌廉汤薄身少少，感觉喺下忌廉唔多，所以，入口反而变得轻盈啲。 娘惹沙嗲热狗 $38 热狗肠用上芝士肠，肠衣有点脆，咬落内里有唔少芝士浆 ，包身烘底过，亦松软，以为只得面层加咗自家制沙嗲酱，原来热狗包内仲涂上一抹沙律酱底；至于个娘惹沙嗲酱