Route 99 (已結業)

今日同朋友嚟咗南澳海旁食晏，见到呢间American diner 餐厅好特别，仲有狗狗系入面，就行入去试下。装修系行旧式美国餐厅风，仲有好多打卡位呢。佢哋仲系宠物友善，一餐饭已经见到4只可爱嘅狗仔！下午有weekday lunch set，不过我哋想散嗌，价钱就cafe价，𠮶边嘅餐厅都系咁嘅价钱。流心兰王蛋美国安格斯牛肉汉堡（$168）- 卖相满分！只流心蛋实在太吸引了，仲有个安格斯牛肉汉堡扒又厚身口感又好，上面仲有芝士。加埋生菜、蕃茄同紫洋葱，好新鲜爽口。拌碟有沙律同薯条，薯条好脆身，食完都饱。63C 温泉蛋卡邦尼亚意粉拌巴马臣芝士脆片（$158）- 个意粉好creamy，最吸引一定系个温泉蛋，个蛋汁好香，而烟肉又多，值得叫。玫瑰鲜奶咖啡（$38） - 玫瑰味好重，但又唔会盖过咖啡嘅甘，同埋几大杯，唔错。