影片
更多
2022-03-26
923 浏览
依排有时间，可以写返之前同Blue🐶去Staycation时去过边到玩～港岛区真系特别多Pet Friendly 嘅地方同餐厅！今次就去浅水湾~ The Pulse 系一个可以俾狗狗入去嘅商场，虽然地方唔算大，但有个冷气地方俾狗狗入去行，喺香港已经系好难得嘅事！地下嘅餐厅，因为有露天位，所以大部分都可以带狗狗去食，而商场入面就有一间热狗店可以带埋佢入去～位置唔算太多，但有Dog Parking，价钱方面，老老实实，预得俾狗狗入嘅地方多数都贵啲，所以喺香港养大狗，真系一啲都唔易！HUSKY 雪橇犬 $78Frankfurter, Coleslaw, Pickles, Truffle Mayo, Brioche（法兰克福香肠．椰菜沙律，腌黄瓜，松露蛋黄酱，法国牛油包）见到有Husky，当然要叫返个试吓！不过餐牌明明写系用牛油包，但最后出到黎系用咗热狗包。味道都算几好，但法兰克福肠比较细条，上面加咗好多沙律菜，所以感觉有少少单调。Triple Cheese Baked Potato $58Parmesan, Cheddar, Mozzarella（三重芝士焗薯 -巴马臣芝士，车打芝士，水牛芝
依排有时间，可以写返之前同Blue🐶去Staycation时去过边到玩～港岛区真系特别多Pet Friendly 嘅地方同餐厅！今次就去浅水湾~ The Pulse 系一个可以俾狗狗入去嘅商场，虽然地方唔算大，但有个冷气地方俾狗狗入去行，喺香港已经系好难得嘅事！地下嘅餐厅，因为有露天位，所以大部分都可以带狗狗去食，而商场入面就有一间热狗店可以带埋佢入去～
位置唔算太多，但有Dog Parking，价钱方面，老老实实，预得俾狗狗入嘅地方多数都贵啲，所以喺香港养大狗，真系一啲都唔易！
HUSKY 雪橇犬 $78
Frankfurter, Coleslaw, Pickles, Truffle Mayo, Brioche（法兰克福香肠．椰菜沙律，腌黄瓜，松露蛋黄酱，法国牛油包）
见到有Husky，当然要叫返个试吓！不过餐牌明明写系用牛油包，但最后出到黎系用咗热狗包。味道都算几好，但法兰克福肠比较细条，上面加咗好多沙律菜，所以感觉有少少单调。
Triple Cheese Baked Potato $58
Parmesan, Cheddar, Mozzarella
（三重芝士焗薯 -巴马臣芝士，车打芝士，水牛芝士）
焗薯虽然写咗有三种芝士，但味道同感觉如图，而水牛芝士为主，都系比较单调。但就胜在可以分啲焗薯俾🐶。
Ice-cream with Churros $68
（西班牙炸油条配雪糕）
比较满意嘅系甜品，Churros炸得外脆内软，配上海盐味雪糕同脆米。不过又系同餐牌张图有出入，图系用软雪糕，成杯新地咁，不过总算味道不错。
食完野之后，可以带Blue出去行下，佢真系好钟意睇海同吹海风~玩咗一日，🐶返到去即刻训，训醒一觉食啲野再训，一训就训到第2日🐶
📍📍📍📍📍📍📍📍
Hooman by the Sea (The Pulse) (浅水湾)
浅水湾海滩道28号The Pulse2楼211号舖
📍📍📍📍📍📍📍📍
张贴
