W&T Restaurant (洗衣街)

营业中

休息中

狩Cafe魔趁红日又来觅食啦！今次呢间W&T，喺门口睇觉得人少少，心谂唔通系伏？但系装观寛敞开扬嘅餐厅确实少见，又见全女班，胆粗粗走入去。觉得呢个天口凉嘅时候确实适合呢种餐厅（入内有冷气），装潢别致得颇有bar & restaurant嘅感觉，唔会困住声音，所以食得舒服嘅。女性虽然会觉得有少少怕生，但心思比较细腻又恬静，肯沟通系可以做到满意。音响不错，选舞曲令人可以长留！讲完服务同环境，就讲食物。QR code落单几啱唔想讲嘢人士🤣 open kitchen 煮食相当香喷喷，令人期待！出品比意料之中好食，够热够香，仲系可以登大雅之堂嘅摆盘👍海鲜意粉好香嘅香草蒜味，喺外面闻到厨房香味就知整紧啲咩真系好正。海胆蟹子意粉相当满意，汁酱浓度适中，唔会过甜过腻过浓郁，食完加杯咖啡刚好。