影片
更多
2018-10-01
3446 浏览
曾几何时，因为有好多旧建筑基于不同原因而被逼拆卸，突然先至有好多人走出嚟讲怀旧、讲集体回忆，其实，回忆呢家嘢真喺好讲个人对某些事物嘅情感。生于上世纪70年代嘅小弟，正值香港经济起飞嘅年代，但成长于H型7层公屋嘅岁月（依家啲后生想像唔到当时嘅公厕、公众浴室及俗称「水头脚」嘅公众攞水嘅地方），最怀旧回忆喺地下啲士多，因为有好多零食买。最近，就同啲老友记去咗皇家太平洋酒店嘅「柏景餐厅」食自助餐兼怀旧一番，皆因新主题做紧「黄金岁月寻味之旅」。既然喺打正怀旧，场地亦多咗呢方面嘅布置，晌度唔特别讲，等大家晌相片中慢慢搜寻吓，此外，更专登将唔同食物区化身为唔同街道，就晌另一边门口，就砌咗个「柏景冰室」牌档景，喺打卡位嚟。食物方便，唔使讲就梗喺有唔少怀旧嘢啦！之但喺，就算唔怀旧，菜式都大把选择。除咗多唔多嘢食，客人最关心喺价钱，近门口1张餐牌，就罗列晒各种自助餐唔同日子及唔同时间嘅定价，自助晚餐由$618-$688，但有唔同信用卡有折扣优惠，最正喺客人走去官网，提前最少1日晌网上预订兼俾晒全数，有七折、六折，甚至高达半价优惠，视乎所拣嘅日子及近唔近啲大节日。由于食物枱分多个区域，有效分散人流，而餐厅简
既然喺打正怀旧，场地亦多咗呢方面嘅布置，晌度唔特别讲，等大家晌相片中慢慢搜寻吓，此外，更专登将唔同食物区化身为唔同街道，就晌另一边门口，就砌咗个「柏景冰室」牌档景，喺打卡位嚟。食物方便，唔使讲就梗喺有唔少怀旧嘢啦！之但喺，就算唔怀旧，菜式都大把选择。
除咗多唔多嘢食，客人最关心喺价钱，近门口1张餐牌，就罗列晒各种自助餐唔同日子及唔同时间嘅定价，自助晚餐由$618-$688，但有唔同信用卡有折扣优惠，最正喺客人走去官网，提前最少1日晌网上预订兼俾晒全数，有七折、六折，甚至高达半价优惠，视乎所拣嘅日子及近唔近啲大节日。
由于食物枱分多个区域，有效分散人流，而餐厅简约时尚，地方宽敞，座位又编排得阔落，绝对无逼逼夹夹之感，加上灯光柔和，舒服好坐。同一班老友记聚餐，有倾有讲，感觉自在。
健怡道平时好少会介绍嘢饮先，但除因为一入门口就有条摆满饮品嘅「健怡道」之外，今次更因为饮品亦有啲特别。讲明玩怀旧，先有低糖嘅夏枯草，跟住就喺养生嘅红菜头梨汁、健怡兼排毒嘅维他命水（Detox Water），此外，仲有橙汁、菠萝汁，以及多款汽水、啤酒，全部都喺任斟任饮。
蔬果汁特饮
40 浏览
0 赞好
0 留言
小弟一向喜欢饮蔬果汁，所以，成晚饮咗几杯红菜头梨汁再沟菠萝汁，清凉香甜，味道特别，而且，坚用新鲜红菜头及雪梨打成，因为饮到尾有唔少果渣沉底，「睇」得出真材实料。
田园径有睇开小弟食评嘅都会意识到，食亲自助餐就一定喺食沙律先，以「田园径」为名嘅沙律吧，喺健怡嘅客人之选，4款沙律菜、十多款配料，再加足足8款特色酱汁，如野杂莓油醋汁、柠檬青柠汁、香橙牛油果酱……都非常有特色，DIY砌出美味嘅沙律碟绝无难度。
总有啲人就唔想烦，搞咁多，有4款预拌好嘅沙律：龙虾荔枝沙律、牛油果烧鸡沙律、杂菌沙律及红菜头南瓜沙律，睇起嚟配搭都颇有心思。以及，细细碟嘅XO酱玉子豆腐沙律及蟹肉沙律，的的骰骰。
冷盘区而就在沙律吧旁，通常都会见到冷盘嘅踪影，除烟三文鱼、刁草腌三文鱼、冻肉肠之外，仲有较少见嘅谷巴火腿，睇起嚟光泽油润，夸张啲讲句，唔食都知好好食，哈哈！
拣吓拣吓砌咗一大碟沙律配柠檬青柠汁搭香橙牛油果酱，再夹啲冷盘作为是晚嘅头盘，拼凑得色彩缤纷，卖相好睇都令食欲提高啲。沙律菜好爽脆，两款酱汁擦出酸活火花，其他配料均用料不赖，冷盘嘅火腿果然一流，值90分嘅头盘。
沙律、冷盘拼盘
54 浏览
0 赞好
0 留言
近年人人都讲「Go Green」，素食大行其道，所以，餐厅一角都变为小规模嘅素食街，枱上放有两款餐汤：合掌瓜猪骨汤、南瓜忌廉汤、几款欧陆面包、三文鱼挞、印式薄饼、炸杂菜、印式杂菜咖喱、印式饭。个人觉得，如果叫得素食街，猪骨汤改为素菜汤就更贴题。
食完道自家制头盘，就嚟一道西汤暖吓胃，咁先喺养生之道。个南瓜忌廉汤好得，南瓜味突出而清甜，口感幼滑；正所谓饮啖汤，食个包，几款欧陆包就随意拣咗个香草包，而另一款中式包点喺友人极力推介，咩包咁耍家？就喺放晌热盘区名为「禾秆冚珍珠」嘅龙虾鲍鱼大包，真喺坚大大只鲍鱼及龙虾肉塞晌里面，包身松软唔黏牙，实在食得豪气。
海鲜街食自助餐又点会无海鲜吖，将冻海鲜区命名为「海鲜街」，长蟹脚、龙虾钳（龙虾身就用作做成热盘区嘅另一款美馔）、小龙虾、冻鲜虾、翡翠螺、青口一一以冰镇住，配以泰式海鲜汁、咯嗲汁、柠檬角，不时经过都见补给快手。
拣咗数款海鲜，加多碟蟹肉青瓜沙律，虽然无生蚝供应，感觉总有少少失色咗啲，但啲冻海鲜质素唔错，最正就梗喺龙虾钳，啖啖肉，爽呀！
姬松茸清炖龙趸骨汤突然间听到啲拍掌声，好似烧炮仗咁劈劈啪啪咁，原来推出几锅原盅炖汤，即时人龙立现，无他嘅，好嘢就自然喺抢手啲，问问师傅，是夜嘅炖汤喺「姬松茸清炖龙趸骨汤」，够晒养生滋补。
难得咁正，点都要排吓嘅，碗汤果然真材实料，捞一捞真喺劲足料，除姬松茸、龙趸骨，仲有老鸡，个汤色泽深沉，入口却异常滋润清甜，夸张少少讲，确喺啖啖精华饮落肚。
东瀛路经过之前嘅「海鲜街」、「田园径」、「冷盘区」，就会见到「东瀛路」，顾名思义就喺供应和食嘅地方，有多款刺身、寿司、卷物，并有迷你丼饭、冷面、冷乌冬及少量渍物、小食，由于款式嚟讲对我就唔算太吸引，所以，呢次就无试到佢哋啲日本嘢，但同枱老友试过就话唔错，啲刺身够新鲜，而抹茶冷面好好食。
就晌东瀛路侧边，分别有两大区域：「面食里」及「点心街」，前者唔使多讲，大家心领神会都知喺乜，而后者所谓点心非一般所谂到嘅虾饺、烧卖、叉烧包。
点心街为回应自助餐主题「黄金岁月」，晌一小截「点心街」之下，大厨炮制咗一系列加入咸蛋黄嘅「黄金」美食，包括黄金焗蟹盖、黄金墨丸、黄金鱼饼、黄金虾片及黄金鱼皮，邪恶而吸引，讲句胆固醇万岁之余，唯有再饮多两杯蔬果汁或维他命水，令自我感觉良好啲啦。
面食里自助餐嘅粉面小弟一向好少掂，皆因太易饱肚再食唔到啲咩，但睇见面条（5款）、配料（近30款）都有咁丰富嘅选择，可以讲得阵容强劲，而最难得几位老友都想食，所以，我哋就要一碗嚟「些牙」。
有清鸡汤、猪骨汤和喇沙汤供选择，当然后者喺众人心水，配菠菜面，再加上7、8款配料，真喺未试过咁豪嘅「车仔面」，实在太丰富喇，而个汤底又确喺好正！
黑毛叉烧狗仔粉讲怀旧嘅食物，实在谂吓谂吓有唔少，餐厅就特别设计咗几款并轮流登场，今晚就遇到嘅怀旧香江滋味喺狗仔粉，喺80年代嘅屋邨美食，依家都仲有，但已卖少见少，故此，都甚为怀恨缅。而呢碗喺非一般狗仔粉，除汤汁浓稠，并配上虾米、冬菇、冬菜、猪油渣，提升口感之外，更升级以西班牙黑毛猪入馔，做成松化嘅叉烧，让我哋一班老鬼寻回一份儿时嘅回忆。
黑毛叉烧狗仔粉
45 浏览
0 赞好
0 留言
直长嘅开放厨房，摆有十多款热盘美食，包括极抢手，幸而补充得快嘅白汁焗波士顿龙虾，以及上文提过嘅龙虾鲍鱼大包，跟住就一口气介绍埋仲有咩阵容先，分别喺龙趸皇豆腐、红烧乳鸽、鲍鱼菇扒时蔬、印度咖喱鸡、焗芝士肉酱千层面、西班牙海鲜饭、香草烤羊架、蒜蓉粉丝蒸扇贝、啫啫龙趸煲……等等，当中有啲热盘会不时转款，但单睇呢个牌面已相当吸引啦。
烧烤区晌热盘区嘅一截之上，另僻为制作烧烤食物，有烧三文鱼、烧牛仔骨、烧菠萝、烧三文鱼及烧珍宝鸡翼。睇住师傅密密咁烧，引发香气四溢，吸引唔少食客。
烧烤区前放咗多种特色酱汁，包括薄荷啫喱、芫荽莎莎、菠萝莎莎、泰式鱼露，以及一啲烧汁、芥末，喜欢配咩食物就随自己喜好，无话薄荷啫喱硬配羊架嘅，食自助餐就有呢样嘢好玩。
原条烤肉自助餐必见嘅烤肉就晌开放式厨房尾，是晚主角喺烧原条西冷牛肉，烧得外观焦香，加上灯光，又喺一款极尽诱人嘅美食。此外，仲有多款烤蔬菜作配搭。
由于试咗啲粉面及狗仔粉，又要留肚跟甜品拼搏，所以，热荤就唔敢拎太多，只喺攞咗龙虾、烧西冷及龙趸皇豆腐。龙虾唔使讲，啖啖肉，又多膏，就梗喺好食啦；烧西冷亦睇得出有水准，表层有少少焦香，内层色泽粉嫩，肉质软腍而富肉香；反而，龙趸皇失色少少，有种蒸过火少少嘅感觉，肉质未够细腻。
即炒XO酱龙虾肠粉本来准备跳落最后一环食甜品，但好友拎咗一大份XO酱龙虾肠粉，香气扑鼻，啲龙虾又大大件，忍唔住手夹咗几炷试吓。经过XO酱「洗礼」，肠粉爽滑惹味，虾肉又弹牙，好嘢就更喺要共享。
即炒XO酱龙虾肠粉
40 浏览
0 赞好
0 留言
甜品嘅款式都占整体食物几大比例，加上今次以怀旧为主题，更多咗细路仔时嘅本土零食。先讲讲「怀旧老街」呢一边，甜品有自助班戟机、鲜奶炖蛋、焗西米布甸、豆腐花、焗葡式蛋挞、金箔脆麻花、花塔饼、花生糖、鸭颈糖、朱古力喷泉（外型更比较特别）。
此外，几款新鲜生果及特色芝士盘，Brie de Meaux、Gruyère、Camembert，并配有克力架及干果，亦能够晌呢度揾到。
甜蜜里就晌「怀旧老街」对面，摆放咗超多款的的骰骰嘅甜品，如香芋雪芳蛋糕、苹果杏仁挞、经典拿破仑、抹茶朱古力蛋糕、冧酒提子芝士蛋糕、黑森林蛋糕、焦糖炖蛋、香芒布甸、朱古力布朗尼、阿华田奶冻、蜜瓜豆奶布甸、甘笋蛋糕，绝对够晒甜蜜。
晌呢边，又多摆咗几款怀旧甜点，包括连埋个小贩箱嘅糖葱饼、合桃牛油蛋糕（即喺嘉顿仲有卖𠮶只）、蛋花大菜糕、红豆糕、龙须糖、芝麻卷、麦芽糖夹饼，后方少少仲有一大堆糖果玻璃盅，上年纪嘅朋友一定知喺乜，嚟到仲可以边食边讲番儿时趣事，勾起一段段回忆。
小弟嘅甜品拼盘就新旧款式都有啲，新嘅就拎咗芒果慕丝蛋糕、布朗尼、甘笋蛋糕、鲜奶炖蛋、苹果杏仁挞几款，整体水准不俗，最欣赏喺布朗尼及杏仁挞，味道及口感都好得；旧款就拎咗脆麻花、龙须糖及糖葱饼，喺无晒啲麦芽糖夹饼，呢啲旧式甜点一样做得OK㖞，喺龙须糖可能摆得耐，口感无咁松化，但脆麻花真喺好食，但更重要喺多一份感情。
Mövenpick雪糕车今回嘅甜品拼盘唔算拎得疯狂，皆因留丁点空间容下Mövenpick雪糕。造型成架雪糕车咁，「泊」晌另一边门口，望见都好抢眼球，细数足有11款口味，友人已双眼发光；此外，侧旁嘅配料及糖浆又有12款之多，加上即烤窝夫，点可以唔特别为佢预留「位置」呀！
友人赞我嘅雪糕窝夫砌得靓仔，咁食乜嘢都讲少少卖相嘅，就算自助餐都可以砌靓啲，靓啲睇见都开心啲。一口气拣咗5球雪糕：芒果忌廉雪糕、薄荷朱古力雪糕、意大利芝士饼雪糕、瑞士朱古力雪糕及枫糖合桃雪糕，再配热烘烘又脆口嘅窝夫，Mövenpick雪糕嘅质感毋庸置疑，各款口味都具特色，食完呢份甜点超满足。
Mövenpick雪糕窝夫
43 浏览
0 赞好
0 留言
最后介绍嘅区域喺饮品嘅另一区，主要摆放即磨咖啡机、热红茶及柠檬片。作为以甜点作结，都喺时候冲杯即磨咖啡嚟相伴吓啦。
睇门口个广告牌，个主题自助晚餐做到 11月21日，虽然未至于好似穿过时光隧道咁，即刻返到70、80年代，但多种怀旧美食真喺引发彼此话题，想当年喺乜乜乜。或许太后生嘅你体会唔到，但你哋嘅父母会懂嘅！
张贴
