影片
更多
2022-11-16
265 浏览
近日天气开始转凉，于是就约咗朋友今晚嚟试吓呢间bookmark咗一排嘅火锅店打边炉。一入到去，就俾佢嘅古典风装修吸引住，十分之有古典气息。由于朋友唔太好食辣，于是我哋就叫咗个鸳鸯汤底：祖传秘制麻辣锅拼蜂巢豆腐白汤锅🍲首先试咗个蜂巢豆腐白汤锅，汤底本身包咗蜂巢豆腐同埋鸭血，一定要试佢个蜂巢豆腐，吸晒啲汤好好味～加上白汤锅汤底饮落都好滋润，可以喺嘢食嚟之前食住豆腐同鸭血加饮住汤先～而麻辣汤底都十分够味，我觉得渌完嘢唔使点酱食都得～呢度嘅酱料比起一般火锅店有更多选择，钟意点「混酱」都得～呢个即炸响铃超级脆口！仲配埋甜酸酱可以唔浸汤就咁食，我就钟意一半点酱就咁食一半浸汤，双重享受！珊瑚蚌超级新鲜爽口，煮10秒就食得～下次绝对会encore！一上到嚟个卖相已经十分吸引😍牛肉嘅雪花分明，油脂分布平均～个人钟意放到麻辣汤渌一渌，入口嫩滑得嚟又吸晒麻辣汤嘅香味，又系encore之选！黑豚肉同样都系油花十分之靓，入口嘅肉味都十足～个人觉得全餐饭最惊艳到我嘅就系呢个餐厅送嘅腐竹鸡蛋沙冰！唔单止佢呢个容器嘅设计十分特别，入面嘅腐竹鸡蛋沙冰亦都十分之顺口同有特色，好似浓缩咗嘅腐竹鸡蛋糖水咁，好
近日天气开始转凉，于是就约咗朋友今晚嚟试吓呢间bookmark咗一排嘅火锅店打边炉。
一入到去，就俾佢嘅古典风装修吸引住，十分之有古典气息。

由于朋友唔太好食辣，于是我哋就叫咗个鸳鸯汤底：祖传秘制麻辣锅拼蜂巢豆腐白汤锅🍲
首先试咗个蜂巢豆腐白汤锅，汤底本身包咗蜂巢豆腐同埋鸭血，一定要试佢个蜂巢豆腐，吸晒啲汤好好味～加上白汤锅汤底饮落都好滋润，可以喺嘢食嚟之前食住豆腐同鸭血加饮住汤先～而麻辣汤底都十分够味，我觉得渌完嘢唔使点酱食都得～
呢度嘅酱料比起一般火锅店有更多选择，钟意点「混酱」都得～

[即炸3秒响铃]
呢个即炸响铃超级脆口！仲配埋甜酸酱可以唔浸汤就咁食，我就钟意一半点酱就咁食一半浸汤，双重享受！


[超爽珊瑚蚌]
珊瑚蚌超级新鲜爽口，煮10秒就食得～下次绝对会encore！

[极品安格斯肥牛🥩]
一上到嚟个卖相已经十分吸引😍牛肉嘅雪花分明，油脂分布平均～个人钟意放到麻辣汤渌一渌，入口嫩滑得嚟又吸晒麻辣汤嘅香味，又系encore之选！

[极品黑豚肉🐷]
黑豚肉同样都系油花十分之靓，入口嘅肉味都十足～

[腐竹鸡蛋沙冰🍧]
个人觉得全餐饭最惊艳到我嘅就系呢个餐厅送嘅腐竹鸡蛋沙冰！唔单止佢呢个容器嘅设计十分特别，入面嘅腐竹鸡蛋沙冰亦都十分之顺口同有特色，好似浓缩咗嘅腐竹鸡蛋糖水咁，好清新同解渴～

总括而言，呢间系绝对值得encore嘅一间火锅店！

张贴
