影片
更多
2020-01-06
2420 浏览
呢日同呀妈近近地出观塘食个晚餐，之前朋友推介过工厦有间台湾嘢唔错，又抵食，所以就一于去试下啦！位置都几方便，距离apm不远。上到去发现餐厅原来都几大，而且坐满人，星期六夜晚嘅工厦竟然咁人山人海👏。我哋坐咗喺四人枱，旁边嘅墙壁画咗唔少🇹🇼台湾主题同地标嘅画，几靓几好睇。睇返餐牌有乜好食先，种类都唔少，饭面类有肉燥饭、汤面或拌面等拣，而且仲有小食添。另外，饮品亦有几多选择，例如水果茶啊珍珠奶茶啊𠮶啲都有。餐厅落单嘅安排系自己写喺纸仔上面，再交俾店员，咁样其实几方便，同埋减少落错单嘅机会👍。鲜梅佐炸猪排肉燥饭($59)，造型非常精美啊，份量亦都唔少。店员提我哋可以试下粒梅先，唔酸的，又几唔错㖞，甜甜哋开胃。🐷炸猪扒个皮酥酥脆脆的，唔热气，而且肉质够淋，好食😋。肉燥饭味道正常，有唔少伴菜，如卤水蛋、萝卜菜脯同青瓜等，一啲都唔单调！五宝什锦酱干拌面($65)，什锦酱即系指麻辣酱(微辣的)同芝麻酱，酱集中放喺底，所以记得要自己捞匀。🍜拌面个碗望落好似好浅咁，但其实劲阔装到劲多，面量一啲都唔少。拌面用上关庙面，我第一次食，但麻麻哋钟意，因为面质较淋较扁，不过有芽菜加返啲分。五宝其实同小食拼盘几似😂，
呢日同呀妈近近地出观塘食个晚餐，之前朋友推介过工厦有间台湾嘢唔错，又抵食，所以就一于去试下啦！位置都几方便，距离apm不远。上到去发现餐厅原来都几大，而且坐满人，星期六夜晚嘅工厦竟然咁人山人海👏。
我哋坐咗喺四人枱，旁边嘅墙壁画咗唔少🇹🇼台湾主题同地标嘅画，几靓几好睇。睇返餐牌有乜好食先，种类都唔少，饭面类有肉燥饭、汤面或拌面等拣，而且仲有小食添。另外，饮品亦有几多选择，例如水果茶啊珍珠奶茶啊𠮶啲都有。
餐厅落单嘅安排系自己写喺纸仔上面，再交俾店员，咁样其实几方便，同埋减少落错单嘅机会👍。
鲜梅佐炸猪排肉燥饭
$59
73 浏览
0 赞好
0 留言
鲜梅佐炸猪排肉燥饭($59)，造型非常精美啊，份量亦都唔少。店员提我哋可以试下粒梅先，唔酸的，又几唔错㖞，甜甜哋开胃。🐷炸猪扒个皮酥酥脆脆的，唔热气，而且肉质够淋，好食😋。肉燥饭味道正常，有唔少伴菜，如卤水蛋、萝卜菜脯同青瓜等，一啲都唔单调！
五宝什锦酱干拌面($65)，什锦酱即系指麻辣酱(微辣的)同芝麻酱，酱集中放喺底，所以记得要自己捞匀。🍜拌面个碗望落好似好浅咁，但其实劲阔装到劲多，面量一啲都唔少。拌面用上关庙面，我第一次食，但麻麻哋钟意，因为面质较淋较扁，不过有芽菜加返啲分。五宝其实同小食拼盘几似😂，有香肠、鸡翼、花枝丸、贡丸同卤豆腐，每样各一件。
炸物拼盘($49)，炸物有香肠、盐酥鸡、虾卷、丸子同甘梅薯角，当中有几款系同五宝面嘅料一样哈哈，变咗我哋可以一人一粒。🐔盐酥鸡同炸猪扒嘅炸皮一样，唔错，但我觉得猪扒好食啲。另外，炸咗嘅丸子比较起就咁渌熟好味道；而虾卷就一般，肥猪肉较多。至于甘梅薯角，就系用上蕃薯条配甘梅粉，个配搭系正嘅。
晚市无套餐供应，如果嗌咗主食，餐牌上嘅饮品就可以减$10。我要咗🍎🍋🍇哈豆鲜果茶($49)，以一个大玻璃壶装住，配上迷你杯仔，变得好襟饮🙈。味道几唔错啊，真系用上唔少水果，例如热情果同火龙果等，最紧要系唔会过甜，太甜认真怕怕！呀妈饮咗黑白珍珠豆浆红茶($36)，我都试咗啖，但其实唔系好饮得出豆浆味，唔甜偏淡，但都ok嘅。不过珍珠同出面饮料舖就真系无得比，唔够chewy😐。饮品价钱相对食物来说无咁抵，但食饭又点可以唔嗌呢？好彩都叫做有优惠，减几蚊。
题外话，依到嘅食物碗碟好搞笑，扮紧系用籐竹织成，实则系塑胶嚟。我会觉得啲碟似东南亚风多啲for泰国越南菜，哈哈🤣。
总括嚟讲，依间台湾小店唔错，食物味道几好，价钱大众化，份量多，菜式大路得嚟又不乏一啲较为少见嘅款式👍。餐厅店员唔多，主要得一位女店员负责楼面，佢超忙但都能够保持礼貌同无整乱啲单😉。环境方面亦算系咁，始终喺工厦入面无太大期望，不过餐厅有一个大大大大大加分位就系全程播住我最爱嘅五月天嘅歌😍，令我觉得置身于台湾中。
张贴
