海街丼 (海光街) (已搬遷) 新店位置

今日同男朋友去左食呢间日本丼，门口已经觉得个装潢好靓好有日本风味。入面仲靓，令人觉得置身于日本既感觉。menu有中文有日本，好似去左日本食饭咁，个感觉好正。<海宝丼连茶渍饭高汤，$150>我地叫左个海宝丼，刺身全部都好新鲜好鲜甜，佢配左个醋啫喱，可以随个人喜好加入啫喱，变成寿司饭。茶渍饭都好唔错，系香浓既鱼汤，但系个人觉得鱼生饭好食过茶渍饭。不过一饭两个食法又系唔同既体会。<滑蛋猪扒饭，$120>表面看似普通既滑蛋猪扒饭，其实食落真系好好食。滑蛋真系滑蛋，又唔会太浓味太咸。吉列猪扒炸到外脆内软，唔会好厚粉。配左个辣辣地既蕃茄，既开胃又惹味。我好推荐大家去海街丼，除左食物质素高之外，个环境真系好好，好悠闲好舒服，食个晚餐食得好relax。