8cm Coffee (已結業)

难得屋企哩边愈开愈多靓靓cafe，真系好开心😃，之前经过已经想黎，今日放左工就同朋友一齐黎试下。门口系拱形设计，好特别，入到去成间店都以植物做主题，坐系到都觉得relax。☑️牛油果，烤鸡，藜麦芝士墨西哥卷薄脆既墨西哥饼皮包住牛油果，鸡肉，藜麦，牛油果既熟度岩岩好，软软棉棉，加埋用番茄味烹调左既烤鸡，藜麦，简单健康得黎又好味！😋☑️菠菜，炒什菌，芝士炒蛋配法式酸种多士哩样最特别既系用左法式酸种包，味道带有少少酸味，感觉仲有啲独有既香味，菇控表示咩食物加上菇都唔会输，啲蛋亦炒得好滑，仲可以见到芝士既踪影。☑️野苺果茶/Latte野饮方面我就简左野苺果茶，味道带酸，搭配食物一齐饮既时候一流，令人更加开胃。朋友就叫左杯Latte，夜晚我饮咖啡会训唔著，所以只系试左一啖，不过不失。