冬蔭公公 (已結業)

之前曾经系九龙湾食过一次，令到我念念不忘冬荫公公的正宗泰式风味！今次去到将军澳中心竟然巧合地遇上，紧系要再次帮衬啦！首先系泰国牛骨清汤配上辣牛肉碎！汤底牛骨味浓郁得黎十分清甜！加上有干葱﹑芽菜﹑芫茜等的配料吊味，令到浓底更入味！米粉亦系泰国的出品，比香港人较常食开的东莞米粉更为幼细同爽口，食落口好满足呀！辣牛肉碎辣味适中，开胃又惹味，一定要order呀！另外萝卜吸哂汤的精华，一啖咬落去多汁又够淋身，钟意食萝卜的人一定会好享受！跟住就到一定要试的泰式驰名海南鸡饭啦！鸡肉好滑好鲜嫩，一啲都吾会鞋口！啖啖肉呀！油鸡饭煮得恰到好处，配埋3款吾到的酱汁，趁热食超级满足！隆重推介黄咖喱软壳蟹！四个字：超-级-好-食！黄咖喱吾太辣，浓浓的咖喱味，带点creamy的感觉，斋食咖喱汁都停吾到口！加上软壳蟹size一D都冇欺场，蟹肉弹牙又够哂鲜甜！跟餐仲有油松饼添！好味到差D想打包食净的咖喱汁番屋企！哈哈哈哈！野食叫左咸柠七，够冻又大杯！抵饮呀！个杯仲要系泰国style，好正！推介冬荫公公呀！