影片
更多
2018-01-28
348 浏览
个几星期之前，大少同我讲话有个好消息，终于都到佢升职喇！咁开心就梗系要贺一贺佢啦！因为我哋两个都钟意食海鲜，今次就订左呢一间餐厅试吓，其实之前上网睇到呢间餐厅啲资料都好想试，但系都估到香港人最钟意一窝蜂试新野，所以就谂住迟啲先再过嚟食。点知道，原来过咗咁耐呢度都仲咁多人，我估应该真系好味挂，因为佢嘅价钱都算系中价㗎！虽然订左八点半，但系可能因为星期五啦，真系太多人食饭，所以都等左一阵先有得入座。一心就系谂住嚟食呢一个海鲜拼盘，点知睇睇下个餐牌又有好多野想食，所以就决定样样叫啲喇！呢一个海鲜拼盘，我哋就拣咗长脚蟹脚、扇贝同埋虾。由于今日系庆祝大少升职，所以都俾佢拣啲佢钟意食嘅嘢啦。平时我都唔系好钟意食生蚝，但系今次我真系好惊喜！问下职员叫佢哋介绍下有边只好食，我哋话想要甜啲又有少少海水味，佢就介绍咗呢两款俾我哋。分别系Imperial 同埋Carina，我就唔系好识食蚝，但系只Carina真系做到有少少海水味之余，个after taste系甜嘅另一个头盘，就系和牛他他，我本身都好钟意食他他，但系今次就觉得啲牛有少少靱，但系大少又话觉得ok ，可能真系个人口味啦！饮品方面我哋就叫咗两杯Mo
因为我哋两个都钟意食海鲜，今次就订左呢一间餐厅试吓，其实之前上网睇到呢间餐厅啲资料都好想试，但系都估到香港人最钟意一窝蜂试新野，所以就谂住迟啲先再过嚟食。点知道，原来过咗咁耐呢度都仲咁多人，我估应该真系好味挂，因为佢嘅价钱都算系中价㗎！
虽然订左八点半，但系可能因为星期五啦，真系太多人食饭，所以都等左一阵先有得入座。
一心就系谂住嚟食呢一个海鲜拼盘，点知睇睇下个餐牌又有好多野想食，所以就决定样样叫啲喇！呢一个海鲜拼盘，我哋就拣咗长脚蟹脚、扇贝同埋虾。
Oysters
15 浏览
1 赞好
0 留言
由于今日系庆祝大少升职，所以都俾佢拣啲佢钟意食嘅嘢啦。平时我都唔系好钟意食生蚝，但系今次我真系好惊喜！问下职员叫佢哋介绍下有边只好食，我哋话想要甜啲又有少少海水味，佢就介绍咗呢两款俾我哋。分别系Imperial 同埋Carina，我就唔系好识食蚝，但系只Carina真系做到有少少海水味之余，个after taste系甜嘅
Wagyu tartar
23 浏览
0 赞好
0 留言
另一个头盘，就系和牛他他，我本身都好钟意食他他，但系今次就觉得啲牛有少少靱，但系大少又话觉得ok ，可能真系个人口味啦！
饮品方面我哋就叫咗两杯Mocktail (第二日一早要起身行山，无得饮酒），我呢杯就系Asian punch ，而大少果杯就系 Tuscany sun 。
Fish and Chips
17 浏览
0 赞好
0 留言
之后就叫咗个Fish & chips，全因为我好想食薯条，一上菜见到系曲条我就更加开心！特别之处系佢有个柠檬牛油酱，比较杰身啲，但用嚟点炸嘢食都几好食，啲柠檬好鬼香！他他酱就偏甜左少少。啲鱼都炸得唔错，粉浆唔会好厚，但放耐小小就有出油嘅情况。所以一定要趁热食！
呢间铺头有度细心嘅就系，准备好条围裙俾你，等你食海鲜嘅时候用就唔会整污糟件衫！我呢啲洁癖怪就梗系要用啦，仲俾大少笑咗成晚😒
Seafood platter
46 浏览
0 赞好
0 留言
Seafood platter
50 浏览
0 赞好
0 留言
主角到啦！ ！我哋拣咗柠檬牛油汁嘅海鲜拼盘，一打开啲香味劲到呢！尤其是啲粟米，未打开个袋都闻到佢啲甜味！除咗海鲜之外，入边仲有啲薯仔同埋粟米，所以真系唔使怕会唔饱。
啲虾就普通啦，个扇贝就几大只，而我最爱嘅墙脚蟹都好鲜味，其实佢可以加钱有个面包可以点啲汁嚟食，但系我觉得有咁多薯仔同粟米都够饱啦，所以就冇叫到。食食下就后悔，因为啲汁真系好好味⋯⋯
Trio icecream
29 浏览
0 赞好
0 留言
食完明明已经好饱，但系大少死都话要叫个甜品share 。是但啦，今日佢话事！就嗌咗个最唔饱肚嘅雪糕，佢都有啲唔同嘅味道可以拣，我哋拣咗云呢拿、海盐同埋芝麻。我食唔到个海盐有咩海盐味，但系个芝麻都几香浓嘅！
食咗满足嘅一餐，大少你就要俾心机继续努力，期待你下一次升职再请我食好嘢啦！
张贴
