更紗制菓 (希慎廣場)

营业中

休息中

铜锣湾希慎装修过后多左好多新店，Sarasei系其中一间，主打蛋榚甜点，件件都色彩缤纷，非常可爱，趁住团年，人多可以试多啲款式，我都忍唔住买左啲返屋企同家人一齐食。戚风蛋榚切件装有多款选择，即日新鲜制造，入口非常松软。京都焙茶同皇室红茶茶味香浓，浓厚朱古力亦唔会过甜。蛋榚卷卖相极为吸引，原条一条＄88，有两款味道，分别系北海道生乳忌廉同皇室红茶北海道生乳。由于两款都想试，亦唔想买两大条，所以买左两件切件。蛋榚入口湿润，甜而不腻，食落非常软熟。北海道生乳忌廉非常幼滑，牛奶味香浓，皇室红茶北海道生乳茶味则带浓浓红茶香气。饭团蛋榚对我黎讲真系好新颖，外型非常可爱，包装同饭团一模一样，法式薄饼包著忌廉蛋榚，十足蛋榚三文治咁，食嘅时候好似食饭团咁撕开包装就食得，非常方便。味道方面，杨枝甘露芒果味相当清新，伯爵茶朱古力茶味香浓，中间仲夹杂左唔少伯爵茶碎片，极有口感。除左切件装蛋榚外仲有原个蛋榚买，下次有家人或朋友生日，一定要试下。