諸勝堂

营业中

休息中

星期一年廿九唔驶返工，唔想自己煮出前一丁食甘颓，于是行去西湾河睇下有咩岩食。经过呢间餐厅既野食几岩我胃口，于是入去解决我既午餐医肚。我叫左叉烧虾仁双并日本滑蛋饭+奶油脆猪+热柠丝袜奶茶，食到好饱。所有食物都系即叫即制，侍应服务态度亦都好好。叉烧虾仁双并日本滑蛋饭我叫左走葱，白饭底，加左啲粟米粒，我几欣赏，无炒饭甘肥之外，又食到粟米粒既清甜。滑蛋好嫩滑，铺满晒饭上面，叉烧唔会鞋口，虾仁爽口，自家制甜豉油都唔错，好味道。奶油大脆猪仔包散叫$18，真系好大个，而且炼奶俾得好多，猪仔包脆身得黎又唔𠝹口，好正。热丝袜奶茶枱上有糖俾你自己拎黎落，饮落都几香滑。