影片
更多
2014-02-08
1114 浏览
家住九龙东嘅我，偶尔都会专程黎东大街揾好野食。虽然东大街位置系正地铁站隔离，交通非常方便，不过要专程搭车黎较为偏远嘅港岛东帮衬，餐厅一定要有翻咁上下水准。加上东大街神级餐厅如XX咖哩，XX鱼蛋粉面基本上系唔少食客黎东大街嘅必到景点，民声冰室作为一间家主打家常便饭嘅港式茶餐厅，要吸引食客帮衬真系唔简单。今日系大年初四，东大街有一半食肆仲未开炉，令开左门嘅食肆生意大增。见民声冰室唔系太多人等，就决定试下。先讲下餐厅环境：鲜橙色嘅门面非常抢眼，整间餐厅感觉光猛而且卫生清洁，台灯亦都够大，唔系卡座嘅座椅都系有cushion 嘅小型沙发凳，以冰室黎讲算系非常舒适。不过，餐厅嘅设计就非常奇怪。首先，餐厅大门系凹左入去嘅，门外有个唔细嘅地方放摆设同餐牌，隔离仲有一千零一张餐台，对住东大街马路@@ 呢种设计系适合海边餐厅或者酒吧，不过对于一间港式茶餐厅就非常格格不入。如果系我，就唔想一路食住马路d尘，一路食肉饼。我哋张台系冰室尽头，要行上半层楼梯嘅小平台上面。以为餐厅门面已经够奇怪，原来没有最奇怪，只有更奇怪。我哋坐张台隔离有两个玻璃箱，里面养左只蜥蜴@@ 我认同系食肆养下金鱼之类当风水摆设系无可口非
今日系大年初四，东大街有一半食肆仲未开炉，令开左门嘅食肆生意大增。见民声冰室唔系太多人等，就决定试下。
先讲下餐厅环境：
鲜橙色嘅门面非常抢眼，整间餐厅感觉光猛而且卫生清洁，台灯亦都够大，唔系卡座嘅座椅都系有cushion 嘅小型沙发凳，以冰室黎讲算系非常舒适。
不过，餐厅嘅设计就非常奇怪。首先，餐厅大门系凹左入去嘅，门外有个唔细嘅地方放摆设同餐牌，隔离仲有一千零一张餐台，对住东大街马路@@ 呢种设计系适合海边餐厅或者酒吧，不过对于一间港式茶餐厅就非常格格不入。如果系我，就唔想一路食住马路d尘，一路食肉饼。
我哋张台系冰室尽头，要行上半层楼梯嘅小平台上面。以为餐厅门面已经够奇怪，原来没有最奇怪，只有更奇怪。我哋坐张台隔离有两个玻璃箱，里面养左只蜥蜴@@ 我认同系食肆养下金鱼之类当风水摆设系无可口非，不过将动物放系进餐区，仲要系未必所有人接受倒嘅蜥蜴，真系唔太妥当。
再讲下冰室嘅服务质素：成间冰室有起码十几台客，我眼见只有两个楼面，不过佢地做野好快手，完全唔洗等，非常抵赞。不过，楼面嘅态度贯彻左冰室奇怪嘅特质 @@。话说我爸爸架车拍左系冰室门口，落单后同楼面呀哥讲，如果你地见倒出面有警察抄牌，就话声我哋听呀唔该。楼面呀哥嘅反应系，quote “系度比人抄都抵啦。" 虽然佢唔系唔礼貌，不过我同屋企人都听唔明呢句有mud 意思，反正就系奇奇怪怪咁。
到d野食：
四个人叫左四个小菜。呢度无小菜套餐呢回事，另外加饭要 +$8 碗。
首先梗系要睇下招牌菜：咸蛋蒸肉饼山
呢度嘅咸蛋蒸肉饼山系我食过最好味嘅蒸肉饼！原本以为肉饼山咁厚，要蒸熟反而会令肉质变干，但事实刚好相反。可能因为肥膏/肉嘅比例十分高 (保守估计可能有 1:1) ，所以肉饼虽然厚，但系就十分 juicy。更神奇嘅系，虽然食得出肉饼含肥量好高，但系咬落去并无渗油情况，口感juicy 得黎又唔会成口油，赞！肉饼上面有粒圆圆嘅咸蛋黄，非常甘香而且唔会油腻。肉饼山成为镇店之宝系实至名归。
到第二好味嘅口水鸡除左肉饼山之外，门口贴嘅杂志仲有推介口水鸡。碟鸡一上台，就闻倒好香嘅酱料香味。卖相方面，鸡件上铺满左厚厚嘅酱料，仲有皮蛋做伴碟，十分吸引。味道方面，呢度嘅口水鸡香系够香，不过几乎唔辣，好麻辣嘅朋友恐怕会失望。可能系禽流感肆虐嘅关系，为左令食客安心，呢度嘅鸡煮得几熟，不过肉质亦未至于好鞋。不过d皮蛋就麻麻喇，皮蛋虽然系溏心，不过完全唔入味，嗮晒d酱料。
榄菜肉松四季豆味道唔错，唔会太咸。不过碟豆d配料嘅比例又好奇怪。全碟豆得一千零一只菇，而且系一只十分巨型嘅菇@@ 系下面张相度都睇倒，比例上抢晒镜。d 蒜头全粒上，贪得意一咬落去辣到飞起，如果去剁碎佢会好d。另外d榄菜如果多d会再香d。
最后到瑶柱蒸水蛋我明白蒸水蛋系睇落容易，实情系非常考功夫嘅一味𩠌。不过民声嘅瑶柱蒸水蛋实在平庸得令人有d失望。卖相方面蒸水蛋表面蒸得平滑，并无凹凸不平嘅气孔。不过，可能水落得太少，一咬落去水蛋比较实，亦唔系十分滑。细心d睇，水蛋上下分左两层，面果层薄薄的只有大概5mm。原来只有上面果层有瑶柱，令你系上面睇瑶柱好似好多咁，其实系上面果渗先有@@ 所以下面果层厚厚嘅水蛋完全无瑶柱嘅口感！虽然我比$55蚊唔算好贵，但系你都唔洗咁小家架... 亦都系因为咁，小编第一次比一味𩠌唔及格嘅分数。
总括黎讲，民声冰室系独孤一味靠肉饼。无错肉饼山真系神级之作，不过一间茶记最重要嘅平均水准佢系无嘅。其他𩠌水准平平实在令人失望。加上晚市又无客饭套餐，价钱唔平，好难系东大街呢个 big pond 度有一番作为。下次会再帮衬的话，可能都系单点肉饼算。
张贴
