霸嗎拉麵 (已搬遷) 新店位置

以前返工都有去登龙街揾食，但当时并未开禁多餐厅，一年光景，登龙街竟然变成一条食街，开满唔同风格食肆。 同一条街开左几间拉面店，间间都派左条人龙出黎，行过Bari-Uma见到名字几特别，人龙又好似短啲，于是决定一试。（入去无耐条龙极速增长，肯定系我旺丁）入口侧面见到一个个面饼整齐排列，店内大大只字写住最强酱油汤，感觉特别又印象强烈。 落单容易，另外有图menu简约清晰。台头有蒜粉、黑胡椒、辣粉同饺子汁等调味料。炙烧豚肉海苔玉子拉面 豚肉厚切，外表焦香，未上俾客人时一大旧用灯照住，确保送到客人面前都仲系热。肉质淋到好似煲左好耐既猪软骨咁，脂肪分布平均，食落甘香滋味。汤底酱油味好出，连鸡汤都有好香既酱油味，形成强烈自家味道。汤由猪骨、鸡壳、蔬菜等煲出浓厚丰富既香味，配上挂汤能力强既拉面可以话系如虎添翼。店家对面既硬度控制都有一手，硬同普通食得出有清晰分别，满足到我既需求。 蛋煮到蛋黄少少熟，有流心效果。 女朋友既鸡拉面，汤底轻身啲，多左份鸡油香味，鲜味更强。 饺子煎既时间落左层薄浆，上碟时有层脆脆跟住，唔厚所以好易咬开，饺子本身皮薄，馅料饱满，味道一流。炸鸡外层苏香，肉