金峰靚靚粥麵

营业中

休息中

金峰可以话系我家附近唯一一间粥面店，所以每到假期早上都大排长龙，而且轮候时间同喺酒楼等饮茶不遑多让，所以而家我已经改变策略，只会在黄昏该店舖临关门前半小时才去购买。一直都有网友批评此店的事头婆态度欠佳，虽然我未受过佢气，不过都在门口排队时见佢规定啲客要点坐点坐，所以我都怕咗堂食，只会买外卖回家。但有时早上买外卖也不好受，排完一轮买嘢食，又再排一次等攞食物，独市生意就系咁啦，鬼叫无竞争对手咩。今晚屋企煲咗猪骨粥，咁当然要买啲炒面、油器嚟送粥喇。炸俩 ($10) --- 虽然夜晚食无朝早咁脆，但都算唔错，可点甜酱或麻酱同食，始终粥店出品，点都做得出色过酒楼。银芽炒面 ($8) --- 炒面加咗芽菜，非常爽口，比对面利苑嘅炒面好吃，当然亦都油腻一点，始终利口唔利福。油条 ($6) --- 好脆，不过好油，用嚟点粥食好过就咁食。呢啲油腻嘢虽然可口，但只可间中吃，满足吓口福之欲。另呢度每日会轮流有一款粥品做特价，$19 嘅粥会减到 $16, 一试无妨。