影片
更多
2016-03-10
655 浏览
放工一个人无无聊聊，就喺附近揾嘢食，但一个人又食唔到啲咩菜式，于是上网揾自助餐食，想食咩可以任点，份量又唔到太多，openrice见到呢间几多正评，价钱又OK，就拣咗呢间。餐厅环境还几舒服，我去𠮶晚人唔好（第二轮(8:30-10:30PM)）大把吉位，唔会唔好意思一个人「牙」咗人哋啲位。首先刺身嚟先，卖相色泽唔错，底有冰保鲜，令人感觉更有信心。份量几够，厚切，唔会因为任食悭住悭住。三文鱼够新鲜，北寄贝好爽口。叫第二轮水准都冇下降或偷功减料，抵赞。甜虾唔算好太只╴不过系当中最鲜甜，一啲霉嘅感觉都冇。螺片𠮶啲就冇咩味，好冰，食落打个冷震。盐烧海虾亦都好值得推荐，好惹味，内质鲜甜，又唔会太咸抢过啲虾味。火炙寿司同刺身完全唔同食法， 梗系要order一堆试吓啦。三文鱼腩、左口群边同海胆虎虾都系唔错嘅选择。一啖一细细件，好过瘾。美中不足系摆位可以仔细啲，更美观。饺子鸡翼好似系呢度独家菜（至少我未见过其他地方有）。饺子酿喺拆左骨嘅鸡翼内里，系几特别。钟意食虾嘅当然要试埋天妇罗虾。亦系唔错，唔太油，肉嫩。已经好饱，最后食甜品，选择真系几多。尤其系雪糕。但考虑到眼阔肚窄，最后只系拣咗抹茶味雪糕同北海道
餐厅环境还几舒服，我去𠮶晚人唔好（第二轮(8:30-10:30PM)）大把吉位，唔会唔好意思一个人「牙」咗人哋啲位。
首先刺身嚟先，卖相色泽唔错，底有冰保鲜，令人感觉更有信心。份量几够，厚切，唔会因为任食悭住悭住。三文鱼够新鲜，北寄贝好爽口。
叫第二轮水准都冇下降或偷功减料，抵赞。甜虾唔算好太只╴不过系当中最鲜甜，一啲霉嘅感觉都冇。
螺片𠮶啲就冇咩味，好冰，食落打个冷震。
盐烧海虾亦都好值得推荐，好惹味，内质鲜甜，又唔会太咸抢过啲虾味。
火炙寿司同刺身完全唔同食法， 梗系要order一堆试吓啦。三文鱼腩、左口群边同海胆虎虾都系唔错嘅选择。一啖一细细件，好过瘾。美中不足系摆位可以仔细啲，更美观。
饺子鸡翼好似系呢度独家菜（至少我未见过其他地方有）。饺子酿喺拆左骨嘅鸡翼内里，系几特别。
钟意食虾嘅当然要试埋天妇罗虾。亦系唔错，唔太油，肉嫩。
已经好饱，最后食甜品，选择真系几多。尤其系雪糕。但考虑到眼阔肚窄，最后只系拣咗抹茶味雪糕同北海道3.6牛乳奶冻。雪糕冇咩特别，不过不失，但奶冻奶香味好浓郁，强烈推介。
整体嚟讲我觉得今次冇拣错，选择几多，大部分食物系水准之作，一个人都可以食到丰富一顿。
张贴
