影片
更多
2023-07-09
25 浏览
观塘一向出名多嘢食，尤其系工厦小店。最近就同朋友喺骆驼漆 3 座揾到间主打地道潮汕菜嘅「潮叔」。餐牌选项好丰富，有招牌沙嗲鹅肉饭、辣炒吊龙套餐、酸汤三花趾配白饭、潮汕粉面同九宫牛魔王套餐等。点咗两个独乐乐 1 人小火锅 ($88@)，套餐包调味酱料、汤底、肉类、五宝盒、菜篮及面底，而且仲要唔收加一，非常抵食。汤底拣咗蕃茄薯仔牛骨汤 同 芫茜皮蛋汤。牛骨汤味道好鲜甜，清澈不带油脂；芫茜皮蛋清热下火。肉类 4 拣 1，有肥牛、吊龙、豚肉同三花趾，肥牛肉嫩鲜美，3:7 完美肥瘦比例，食落好滑溜。吊龙系肉眼扒外围嘅肉，肉质鲜滑多汁、带筋道嚼劲。五宝盒有猪肉丸、鱼蛋、炸鱼皮、牛丸同鱼皮饺。猪肉丸肉质鲜嫩，没有过份调味，保留家猪独有嘅天然甜香。炸鱼皮亦十分讨好，香脆又无腥味。潮汕牛丸真材实料，食落牛味好香浓、弹牙爽口。鱼皮饺亦唔输蚀，用新鲜鱼肉做，既烟韧又有鱼肉鲜味。菜篮有唐生菜、娃娃菜、莴笋、莲藕同粟米，全部都好新鲜，有营又健康。面底可选乌冬、米线、蟹黄面或河粉，乌冬幼滑烟韧、蟹黄面非常有弹性，味浓又不会过油。另外仲点咗王老吉 ($10) 同 冬瓜茶 ($10)，王老吉清凉消暑、冬瓜茶口味甘醇，
观塘一向出名多嘢食，尤其系工厦小店。最近就同朋友喺骆驼漆 3 座揾到间主打地道潮汕菜嘅「潮叔」。
餐牌选项好丰富，有招牌沙嗲鹅肉饭、辣炒吊龙套餐、酸汤三花趾配白饭、潮汕粉面同九宫牛魔王套餐等。
点咗两个独乐乐 1 人小火锅 ($88@)，套餐包调味酱料、汤底、肉类、五宝盒、菜篮及面底，而且仲要唔收加一，非常抵食。
汤底拣咗蕃茄薯仔牛骨汤 同 芫茜皮蛋汤。牛骨汤味道好鲜甜，清澈不带油脂；芫茜皮蛋清热下火。
肉类 4 拣 1，有肥牛、吊龙、豚肉同三花趾，肥牛肉嫩鲜美，3:7 完美肥瘦比例，食落好滑溜。吊龙系肉眼扒外围嘅肉，肉质鲜滑多汁、带筋道嚼劲。
五宝盒有猪肉丸、鱼蛋、炸鱼皮、牛丸同鱼皮饺。猪肉丸肉质鲜嫩，没有过份调味，保留家猪独有嘅天然甜香。炸鱼皮亦十分讨好，香脆又无腥味。
潮汕牛丸真材实料，食落牛味好香浓、弹牙爽口。鱼皮饺亦唔输蚀，用新鲜鱼肉做，既烟韧又有鱼肉鲜味。
菜篮有唐生菜、娃娃菜、莴笋、莲藕同粟米，全部都好新鲜，有营又健康。
面底可选乌冬、米线、蟹黄面或河粉，乌冬幼滑烟韧、蟹黄面非常有弹性，味浓又不会过油。
另外仲点咗王老吉 ($10) 同 冬瓜茶 ($10)，王老吉清凉消暑、冬瓜茶口味甘醇，打边炉饮一流！
张贴
