越味皇 (已結業)

钟意食越南野嘅我，今日喺荃湾嘅呢间越味皇，品尝一下下午茶先，系呢个咁炎热嘅天气，入到黎冷气充足嘅地方，果然够晒舒服，装修充满越南嘅风味，而且地方明亮，未食嘢已经觉得自己置身于越南。下午茶嘅选择都已经好多，今日嘅我就叫左一个牛丸金边粉，我选择咗嘅系牛骨汤底，充满浓浓嘅牛骨味，金边粉份量十分之多，不得不赞嘅系佢嘅牛丸，十分之弹牙，真系不可不吃，配上佢嘅香草，果然充满越南嘅风味。我仲叫咗酸辣凤爪，冰冰凉凉酸酸辣辣，份量又多，系呢一个炎热嘅夏天，令我身心凉快。之后仲带咗一个牛油果虾米纸卷，米纸新鲜弹牙，里面嘅份量十分之充足，有我最钟意嘅牛油果，在点上一啲鱼露，酸酸甜甜份外开胃。