漁師兄

营业中

休息中

难得入嚟大西北揾朋友，发现咗间好似喺新开嘅烤鱼，见到佢有一个特别嘅味道「马来亚参咖喱味」烤鱼，个日口淡淡就好想试一试。呢间餐厅真系好细心，除咗装修环境好干净之外，店员见到我着住白色衫，就拎咗一件即弃围裙仔俾我用。呢样对我嚟讲系食过咁多次烤鱼第一次有咁嘅服务，要俾10个赞。至于个味道其实一上枱已经闻到好香，马来西亚嘅做法应该系用咗好多香料，当然真系见到有香茅。跟住餐厅推荐嘅食法，先饮一啖「头啖汤」，果然味道10分浓郁，酸酸辣辣，超级开胃，建议加个面嚟嗍下啲味道。整条鱼都啖啖肉，鲈鱼真系冇乜骨，食落去真系好方便，对于我呢啲唔系几识食鱼嘅人都食得好开心。佢哋啲特色饮品都真系全部大大杯，因为有时食烤鱼真系比较重口味，唔觉意都会成日饮嘢，大大杯就真系啱晒。如果大家平时经过行过都真系可以试吓呢一个咁特别嘅新口味烤鱼。