La Maison

营业中

休息中

上个星期五，我同太太决定去一间葡国餐厅食晚饭，之所以选择呢间，主要系因为佢哋免开瓶费。话说回来，呢间餐厅嘅食物真系不错，而且系一个家族经营嘅生意，有葡国血统。呢间葡国餐厅位于香港嘅汕头街，喺一栋旧楼度。一开始见到楼外观陈旧嘅时候，我哋都有啲担心。但系踏入餐厅之后，就发现里面装修非常有特色，彷佛去咗一趟葡萄牙旅行。一坐底waiter 即过嚟，第一句问有冇带酒嚟 XD当晚大约九点，我哋准备走嘅时候，突然间餐厅有个live band表演，真系好有惊喜！虽然当晚餐厅啲客人唔系好多，但菲律宾singer 带到气份好好，大家都非常投入。喺香港嘅餐厅，我哋第一次试到呢种经历。餐厅老板都走出嚟唱咗一首张国荣嘅"追"，同大家分享三年疫情终于挨过去，真系好不容易。听到老板嘅分享，我哋都觉得好感动，同时亦为呢间餐厅嘅坚持同努力感到佩服。总括嚟讲，呢一晚我哋度过得非常尽兴。不但品尝到美味嘅葡国菜，仲有惊喜嘅音乐表演同独特气氛。我哋一定会再去呢间餐厅，同时都推荐比大家去试试。希望大家都可以喺度拥有一个难忘嘅晚上！