廚十三老壇酸菜魚 (太子集團中心) (已結業)

夏日炎炎无咩胃口，最好就食啲冻冰冰又开胃嘅小菜💦💦所以今日嚟到依间川菜馆，不过唔系食酸菜鱼，反而食凉拌小菜寻回食欲😹👉🏻伤心凉粉卖相好吸引❤️❤️一砖砖嘅凉粉叠到一座小山咁，质感软糯有咬口，辣油同炒香嘅辣椒碎非常多，好想买依个辣油返屋企捞面食啊😻👉🏻麻辣猪耳仔弹弹吓嘅猪耳仔👂🏼脆骨同猪皮分布均匀，重点系处理得好妥当，唔洗惊食食吓会见到有毛😽👉🏻麻辣牛展切得大大件肉感重，麻辣汁可以吊起牛展嘅牛味，减少咗牛膻味😸👉🏻葱油捞猪肚捞猪肚好食，特别系有啲花生粒，猪肚嘅柔软加埋花生嘅香脆，味觉上无得弹！