太平洋咖啡 (港運城)

营业中

休息中

唔太想去食碟头饭，食完通常都㩒电话直至够钟返公司，但坐得一啲都唔舒服，又惊比阿哥阿姐撞。前排贪杯咖啡入咗会，咁就去试下食个包。一份嘅三文治大约三十几四十蚊，论饱感系一定无食饭咁抵，但正好啱我唔使食咁多。最后拣咗个鸡肉芝士蘑菇意大利三文治，一个完全系新鲜食品嘅选择，同埋一杯朱古力牛奶咖啡，呢个月有买一送一仲有得储起。我唔想饮奶，可惜问佢问埋我储𠮶杯要乜搞到我唔记得讲转荳奶。个包唔系一般方包，烘完外脆内软。鸡肉份量适中，有蘑菇有菜，食完其实都七分饱，饮埋咖啡真系超级饱。最紧要系呢度真系好多位，食饭时间都容易有位，可以慢慢食又可以睇杂志上下网，真正放松心情。