JC Room (已結業)

朋友相约下午茶，去旺角食嘢，点知畀人放飞机。咁就自己去咗行街加食饭 。 今次主要喺旺角都系行啲时装店， 买咗少少嘢咁，见肚饿就去食嘢 。今次间餐厅位于广华医院附近，人流唔算多。烟三文鱼田园沙律， 烟三文鱼味道唔错，至于重点，一定系沙律菜，沙律菜洗得够干净，最重要系新鲜， 如果大胃口嘅人士，谂住食过前菜就算，咁就大件事，因为份量唔算多。主菜厚切有骨猪扒炒薯， 重点猪扒够晒厚， 说起来肉质鲜嫩。 冰鲜猪扒，但冇晒雪藏味，都做得几好。士多啤梨沙冰， 好普通， 最可怜就系，仲要加钱， 早知饮返啲茶餐厅饮品就算。有机会都会再食，因为价钱唔算贵，同埋坐得咁舒服。