松屋

营业中

休息中

经过佐敦就排下新店啦由于独L一位，反而好快有自闭位唔驶久候。十分钟就可以点餐后坐低慢慢等叫取餐😆爬咗头有啲好彩成份由于执行紧低碳饮食，饭嘅定食无叫到，散叫咗鱼、肉、豆腐、汤试吓味道过下瘾就算灵魂嘅味噌汤..得呀料头多而且仲有莲藕片，大大碗饮完暖肚好满足。三文鱼做得好，唔干唔柴口亦唔过咸（すき家都好，但咸少少🤏）松屋第一间店嘅出品唔错👍鲭鱼，有做好鱼嘅处理无出面啲本地「日式料理」做得好，煮出嚟无剩低鱼腥，亦唔会又干又柴口，仲有啲鱼汁👍佢同すき家系两种唔同做法，すき家系煮唔系烧走滑同多汁嘅路线。食鲭鱼化算抵食有质素首推兵器榜嘅松屋同すき家。牛肉够味嘅有配饭就更好（见邻座碗饭都好靓仔，可惜呢餐小弟唔食饭。）温泉蛋、山药泥同泡菜都合格👌豆腐冷奴都简单好食😋（起码做得好，无上菜果阵豆腐系咁出水，呢啲虽然系普通日本料理，但细处睇到店家有啲出品要求。）有日本人店长坐阵嘅日子，应该唔会走样，希望佢哋保持水准💪奸爸爹。