S2 鐵板燒 (已結業)

呢排疫情关系都费事约朋友出街，发现到一个人觅食的乐趣。一个人食饭就最钟意去啲日式小店，好似自己拍紧孤独美食家咁。今日就拣咗呢间具有日式风味的铁板烧小店，第一次嚟就想食下呢度招牌，十八层海胆杯。IG见到好多朋友都打卡。我又影咗十几张。我只系点咗一杯，我觉得都够食啦。一上枱庆幸自己净系点咗一样，因为真系好大杯。每一层都食到唔同嘅嘢，好丰富，食得出食材的新鲜。服务都几亲切，见我一个人嚟都会闲聊几句，介绍下食材的特别之处。环境几安静，空间唔大，反而更有日本味道。