影片
更多
2016-06-05
566 浏览
一餐饭要食得满足，有人话食材新鲜好重要、有人话环境舒适唔少得，或者我觉得除咗呢两样嘢之外，其实同边个食都会有一个重大嘅影响，同情侣食当然会甜蜜啲、同长辈食可能会清淡啲、如果同小朋友出嚟食应该系难搅啲。而有一日我陪咗一个女性朋友系旺角买完相机零件谂住系附近医医肚，意想不到佢竟然拣咗红葱头，我好多年前成日同Oliver去嘅餐厅。。。面门依旧，人面全非。走进的不只是餐厅而是回忆，我好钟意餐厅内复古嘅味道，而且内里亦好宽敞，我亦好怀念Oliver坐系到四围望嘅画面。食过咁多次红葱头，总觉得佢个两人餐真系好抵食，餐汤＋法包、一个小食、两个主菜、甜品＋餐饮只需$278，系朗豪坊嚟讲真系已经无得输。罗宋汤＋法包法包上到枱时仲热辣辣，加上表面有大量嘅蒜泥牛油真系非常吸引，而佢个罗宋汤材料丰富，杂菜、牛肉不在话，最重要佢个酸辣度亦同样准确，饮起上嚟相当醒胃。此刻我在想，咁多年来会唔会都系同样嘅厨师，拿著一份坚持烹煮同样嘅汤？法式香草牛油焗田螺还记得胃食嘅Oliver真系非常之钟意食田螺，钟意食田螺嘅地步简直可以叫佢做「田螺杀手」，数秒之间已经可以将田螺扫清光，所以到今晚我先可以真正品尝到田螺嘅味道，浓浓
而有一日我陪咗一个女性朋友系旺角买完相机零件谂住系附近医医肚，意想不到佢竟然拣咗红葱头，我好多年前成日同Oliver去嘅餐厅。。。
面门依旧，人面全非。走进的不只是餐厅而是回忆，我好钟意餐厅内复古嘅味道，而且内里亦好宽敞，我亦好怀念Oliver坐系到四围望嘅画面。
食过咁多次红葱头，总觉得佢个两人餐真系好抵食，餐汤＋法包、一个小食、两个主菜、甜品＋餐饮只需$278，系朗豪坊嚟讲真系已经无得输。
罗宋汤＋法包法包上到枱时仲热辣辣，加上表面有大量嘅蒜泥牛油真系非常吸引，而佢个罗宋汤材料丰富，杂菜、牛肉不在话，最重要佢个酸辣度亦同样准确，饮起上嚟相当醒胃。此刻我在想，咁多年来会唔会都系同样嘅厨师，拿著一份坚持烹煮同样嘅汤？
法式香草牛油焗田螺还记得胃食嘅Oliver真系非常之钟意食田螺，钟意食田螺嘅地步简直可以叫佢做「田螺杀手」，数秒之间已经可以将田螺扫清光，所以到今晚我先可以真正品尝到田螺嘅味道，浓浓嘅牛油熔于田螺之中，螺肉变得甘香软滑，再伴香脆软滑嘅薯茸一齐食，我明白到Oliver真系好识食。
加拿大topAAA谷饲牛肩扒其实同Oliver经历过好多时光，有开心嘅、有嘈交嘅、亦曾经试过唔理佢，但呢句歌词正好表达我嘅感受：
～来忘掉错对 来怀念过去 曾共渡患难日子总有乐趣
不相信会绝望 不感觉到踌躇 在美梦里竞争 每日拚命进取～
就算而家我哋见唔到面但我觉得都系美好的，亦都要努力向前，化悲变成食量，结果今晚更食咗大半碟牛肩扒，但当然厨师真系煮得好好味，牛肩扒外脆内嫩，内里锁住大量肉汁，每啖都好重牛味，而佢个扭纹薯条亦好出色，估唔到香脆嘅薯条内心软似薯蓉相当唔错。
卡邦尼烟肉扁意粉第一次食扁意粉煮呢个菜式就系喺呢间餐厅，仲记得我问过店员：其实卡邦尼意粉每个地方材料都差唔多，但点解呢到好似咁好味。原来呢个卡邦尼烟肉扁意粉系大厨得奖嘅作品，忌廉汁幼滑稠度适中，扁意粉亦唔会过淋，简单嘅菜式煮得不简单，真系好唔简单。
精选雪糕主菜过后，当然就系甜品嘅时间啦，当晚有士多啤梨同绿茶味雪糕，而朋友都好钟意雪糕嘅味道，特别士多啤梨味非常清新。
餐饮热柠水柠檬新鲜，饮果阵唔会有苦味。
经过多年，终于再次食到红葱头，味道唔错而且真系非常之抵食，而佢个味道亦令我嘅回忆不断涌现，特别记返起我成日带佢去荔枝角公园玩嘅日子，佢不停跑、不停跳，搅到周地都系佢白色嘅毛发，而我同佢最后嘅相片就系头像果张，如果有机会佢见到呢篇文嘅时候希望会系开心而唔系唔开心。
－－献给我最爱的Oliver－－
张贴
