麥當勞 (已搬遷) 新店位置

很久很久以前吃一次将军汉堡，当年对这新产品没有特别喜恶，见最近老麦又再推出此包，一于黎食下，反正未试过加埋蛋嘅版本。是日午饭时间来到离公司最近嘅麦当劳，超级人多，全部都系中小学生，好好彩地比我与友人揾到位。二话不说出去排队先，叫左一份玉子将军汉堡餐同一份鱼柳包餐。人多嘅关系，啲食物超热，咬落去烫咀！将军汉堡加左只蛋都系无乜特别，甜甜地嘅烧酱汁加上入面有少少嘅沙律酱都几夹嘅，仲有少少生菜，食起黎无咁漏。不过酱汁略微过多，不停咁滴落黎，食得有点狼狈。鱼柳包一向都系我至爱之一，是日的好热好新鲜，融掉的芝士加埋他他酱真系一流。炸薯条意外地份量多，又系热喇喇，正！汽水要了可乐和雪碧，今日佢同冰嘅比例刚好，有惊喜。是日真的人太多，全部枱都放满吃完的餐盘，垃圾桶也满掉了，想自己执枱都有难道，只好在有限嘅空间KO左成个餐。赞一赞啲服务员，啲工作多到做唔切都无黑面，有几位仲有少少笑容，算系咁。