心飴 (已結業)

食元气途中我同阿琪提议一阵去食糖水，阿琪提议再次嚟心饴，其实我谂住去第二间不过又唔知边间好行到去~~哗，好多人喺出面排队等位呀，即刻好唔想等，但照行埋去睇个究竟。无人喺出面派筹，阿琪就冲咗入去，即刻就有两个吉位，点解出面又排晒长龙o既？都有两个人等位呀，唔理lu我哋唔客气食先上次我系食花冰，今次要试吓其他。我又哗啦，原来加咗价呀，上次我食个花冰都系$35，今次要成$45呀，好过份我拣咗A5心花怒放苹果挞伴雪糕，雪糕紧系我最钟意o既朱古力味啦今次有啲惊喜，因为个苹果挞真系好好味，同食苹果批差唔多，外层好脆，好似食送粥𠮶啲脆卜卜，薄身啲，不过我觉得略为甜咗少少。唔知黄色伴碟𠮶啲系咩嚟呢？侍应太忙我无问呀至于阿琪就食S10挪亚方舟(包三球雪糕：榴梿雪糕+云呢拿雪糕+朱古力雪糕)本应系$35，因为榴梿味所以要加$3本来我都想拣呢个，不过我唔想食蕉所以拣咗A5，我有试过榴梿雪糕，好重榴梿味，同出面食到𠮶啲差唔多。阿琪就嘥啦，食净半条蕉&啲生果，话好饱㖞加咗价，所以我短时间内都未必会再去，等王先生减价或者有团购优惠我至再帮衬啦食食吓o既时候我哋留意到有心太"硬"，哈哈，新嘢噃，应该唔系朱古力制成品