王子廚房 (已搬遷) 新店位置

2个人谂住落街食晚饭，又唔想行太远又要食得落口之余又要平平地，就去左附近既王子医肚。基本上佢每晚餐牌都有少少唔同通常有Ａ－Ｈ餐选择，９点后去食通常无咩人但有个问题就系通常有3分1以上既餐系卖晒，若７点半去通常要等1-2张。天气咁冻都唔想饮冻柠T叫杯暖下肚好过。每个晚餐都会送汤，今晚卖剩罗宋汤。味道一般无咩特好饮似罐头汤。芝士鹅肝烧汁焗牛柳饭－芝士味有少少，唔觉有鹅肝，烧汁反而最多。牛柳好林，咬感口感都唔错。芝士味再重Ｄ浓Ｄ会较好吃。不过份量比较少，男仔一定唔饱。不过以45蚊晚饭呢个价钱黎讲算系咁。叫多左份鸡翼，甜甜地，普普通通。