Moxie (已結業)

听讲Moxie系中环另一间米芝莲餐厅嘅姊妹餐厅. 主打素食及健康食材. 抱住冒险精神嚟试下.餐厅俾行人路分开两边. 一边吧枱望住厨师煮嘢食. 另一边地方窄窄哋. 用竹做围栏. 普通二人四人餐枱.头盘点咗 Hokkaido Scallops. 轻轻烧咗. 味道正常. 老实讲, 唔特别. 睇其他食评酱汁应该系绿色嘅. 我食嘅时候就泰式鸡酱 (!)主菜 Karana Jackfruit Crostillant. 墨西哥口味. 脆皮簿多士包住白豆. 放喺冻嘅生菜上面. 底下有蕃茄酱. 每啖都几样夹埋一齐食, 几特别. 不过未必系大众口味.另一主菜 Seared Fremantle Octopus. 烧得好香. 八爪鱼煮得好腍. 夹埋水牛芝士萝卜一齐食, 效果唔错. 另外讲下油菜花. 本身好腍好甜. 虽然烧㶶咗, 但欣赏菜都可烧到咁香. 总结一下: 餐厅位置几方便. 属商场行人通道旁. 私隐度较低. 餐牌选择唔多. 头盘主菜两页纸. 性价比一般. 食物设计几特别. 但未必系大众口味. 可以一试.