圍威喂 (荃灣廣場) (已結業)

對上一次去荃灣，見到呢間裝修緊未開，因為個名好特別所以記住咗，今次出開荃灣，見到呢間已經開咗一段時間，人流都唔錯，就決定試吓~🐔 海南雞拼娘惹喇沙麵 $78呢個價錢午市套餐包飲品算唔錯，湯麵轉左金邊粉，喇沙湯辣味唔算重，而椰香味重，金邊粉爽身掛汁，有吸晒喇沙湯精華嘅豆卜作為配料，海南雞外皮鮮嫩，肉質結實可口。🐮 泰式濃湯牛肉船河 $71同樣午市套餐包飯品，牛肉同河粉份量都唔少，河粉滑溜掛汁，牛肉味道唔錯，而且湯底的確幾濃味，亦唔會太油膩。🍛 紅咖喱慢煮牛肋條配馬拉盞牛肉炒無米飯 $91無諗過主打東南亞菜嘅餐廳，都有多款生酮套餐系列供選擇，今次選擇咗紅咖喱慢煮牛肋條配馬拉盞牛肉炒無米飯，紅咖喱味道偏辣，而牛肋條煮得稔身，肉質唔老，牛肉炒椰菜花粒食落幾香口，幾有顆粒感、幾惹味。