圍威喂 (荃灣廣場) (已結業)

对上一次去荃湾，见到呢间装修紧未开，因为个名好特别所以记住咗，今次出开荃湾，见到呢间已经开咗一段时间，人流都唔错，就决定试吓~🐔 海南鸡拼娘惹喇沙面 $78呢个价钱午市套餐包饮品算唔错，汤面转左金边粉，喇沙汤辣味唔算重，而椰香味重，金边粉爽身挂汁，有吸晒喇沙汤精华嘅豆卜作为配料，海南鸡外皮鲜嫩，肉质结实可口。🐮 泰式浓汤牛肉船河 $71同样午市套餐包饭品，牛肉同河粉份量都唔少，河粉滑溜挂汁，牛肉味道唔错，而且汤底的确几浓味，亦唔会太油腻。🍛 红咖喱慢煮牛肋条配马拉盏牛肉炒无米饭 $91无谂过主打东南亚菜嘅餐厅，都有多款生酮套餐系列供选择，今次选择咗红咖喱慢煮牛肋条配马拉盏牛肉炒无米饭，红咖喱味道偏辣，而牛肋条煮得稔身，肉质唔老，牛肉炒椰菜花粒食落几香口，几有颗粒感、几惹味。