野玩海店 (已結業)

上次去始创买野嘅时候，已经比呢间布置到好似置身沙滩一样嘅餐厅吸引，见今日有时间就同老婆约埋阿爸阿妈一齐黎试下佢啦。呢间餐厅喺始创中心地库，一落扶手电梯就见到「野海玩店」个招牌，非常抢眼。原来佢地每晚都有LIVE BAND唱歌，啱晒钟意一边听音乐、一边食饭嘅朋友。佢地嘅音乐都几好听架，绝对唔系大吵大闹果种，感觉舒服。 餐牌图文并茂，又有多款选择。最后我地拣左个2人餐及两个1人餐。饮品方面，除了套餐包嘅汽水同柠茶外，特别要赞下佢地喺每张台都放左两樽水，有温水，有滚水，绝对系贴心服务。餐前小食有餐包、餐汤同沙律。生蚝尺寸接近一台iPhone 6，而且味道鲜甜。因为我同阿妈都系「蚝客」，所以除左生蚝外，仲有炸蚝，炸粉唔厚，唔会食到油冧冧。呢个意式蒜香海蚬意大利粉，蒜香味浓加上海蚬数量算多，非常吸引。我就唔食鳗鱼嘅，但阿爸阿妈就拣左呢个日式鳗鱼炒饭，仲一路食一路赞个鳗鱼好味道添。份量够大，四个人分刚刚好。由于牛扒经烤过烤焗，味道够香，肉味又够浓，再点埋个蒜蓉汁，够晒惹味。呢个海鲜拼盘，除左有原只波士顿龙虾外，仲有大虾、青口、海蚬各两只、仲有香甜嘅粟米同蒜蓉包，而整个海鲜盘都沾满香浓嘅芝士，芝味满