OPPA Coffee Bar Restaurant

营业中

休息中

黎到有「韩国街」之称既金巴利街，处处都系韩国餐厅或者系卖韩国野既店铺，韩国迷黎到就好幸福啦！今晚就同两个朋友仔黎到呢间OPPA Coffee Bar Restaurant食饭。约咗七点黎，未坐满，可以即刻入座。坐低冇耐，就越来越多人，再夜D就要系店外等位。店内设计舒适柔和，墙上摆放唔少韩国饮品。睇完MENU之后，见有得自制小丸子，就点咗个章鱼流心小丸子黎玩下。店员好快就拎咗个炉黎，仲有蛋浆同埋芝士粒。虽然个MENU有教点整，但系一见到个炉，就有D手足无措。好彩店员好细心咁问我地驶唔驶示范俾我地睇。我地睇完之后就自己整。呢个章鱼流心小丸子系用炒饭作底，再配以章鱼粒、芝士粒、同蛋浆，转转下就整到一牒小丸子啦！自己整俾自己食，真系特别滋味！因为有炒饭作底，食落好饱肚。紫菜包饭系韩国必食，一上枱就见到份量都唔少。夹起紫菜包饭就见到材料丰富，有萝卜丝、鸡蛋丝、火腿、青瓜丝等，配料比饭更多，都被紫菜包实，夹起唔会散开，食落味道比较清。JUMBO芝士蛋卷一上枱系见唔到旧蛋卷，因为上面铺满椰菜丝同埋D酱汁。夹起一件睇睇，充满酱汁、芝士，隐约见到蛋包着紫菜同埋配料。食落唔会干身，而且食材配搭得好好！点蒜