CAMPSITE (朗豪坊)

营业中

休息中

话说秋高气爽又系露营嘅季节，但香港天气仍然唔系打风落雨又系相当炎热冇秋凉嘅意思。咁去商场叹住冷气露营又几好玩㖞！旺角朗豪坊新开咗间露营风主题西餐厅CAMPSITE把户外乐趣带入室内大玩豪华露营！有大量木材和绿色植物，非常舒服嘅大自然气息。烧原条鱼 餐厅会先整熟啲野食，店员在我哋隔离搭咗个烧烤架，再模仿豪华营地煮食，由职员即场烧让比我哋食，仲可以扮烧烤打卡影吓相。鱼肉烤到好香，鱼肉的质地紧实，鱼皮香脆，保留鱼肉鲜味。火焰烤啤酒罐鸡呢道菜巴闭啦！店员会将成只鸡烧比我哋影相，再拎返厨房帮我哋切件，劲大只鸡，鸡皮又薄又脆，鸡肉充满酒香味，估唔到肉质咁嫩滑。烤鲭鱼牛油果意大利面摆盘出色，烤鲭鱼带有浓郁嘅海洋风味而且皮薄脆肉滑。牛油果口感绵密令意粉非常creamy，意粉挂汁弹牙。营火朱古力棉花糖夹饼 玩味十足！第一次烧棉花糖，仲要在商场餐厅烧！烧烧吓著左火😹佢配咗曲奇饼同朱古力酱，烧一吓就夹埋饼食，口感香甜。