飲茶 (已結業)

其实想试呢间好耐，因为见到啲点心个样咁得意有咁多好评，不过一直都无机会，最近终于订咗枱同妈咪食，现时总共有三间分店；分布喺中环、尖沙咀、旺角。连英文名都系用返广东话拼音「YUM CHA」装修绝对唔系传统嘅酒楼，新派之余带点华丽效果，俾人感觉都几好。有小吃、小菜、点心等等，但我相信大部份人都应该集中叫点心，始终呢度系点心最出名，原本仲谂住做咩唔俾茶水，原来系餐牌度拣，最后拣咗白菊花茶。黎到好似话系一定叫戈个好卡通既奶黄包同埋猪仔叉烧包，最尾就紧系两样都叫左，妈呀我终于见识到呕奶🤣入面有啲咸蛋黄味，几好食呀难怪系招牌菜。对眼前面仲整左个位比人影「流奶」，几贴心呀。猪仔好得意！真系好岩影相，猪仔叉烧包皮比较厚，叉烧同汁味浓，但叉烧甜左啲，同埋入面叉烧份量多啲会更好，有种吾够喉既感觉。仲有一款都有啲人气既就系鸭仔凤梨酥，最得意既系有个鸟笼装住，好盏鬼，得意到吾舍得食，外皮好软林林，入面既凤梨好香呀，细细旧岩岩好，吾会太漏，不过呢味坚贵啰。妈咪话咁样影好似鸭仔系度游水咁🤣质素一般，果然食野都系叫招牌菜会好啲，蟹籽都几大粒，不过好快就滩凉左，食落去吾多新鲜咁。