影片
更多
2023-04-24
1636 浏览
何兰正一听就知系一个玩味甚浓嘅餐厅。餐厅位于兰桂芳，装修好有50年代怀旧风。餐厅其实系一间酒吧，提供唔同嘅cocktail, 本地狮子山啤酒，其他无酒精特色饮品。餐厅虽然餐厅系怀旧港式茶餐厅装饰，但提供嘅系新颖中西fusion菜，呢度嘅食物真系令我非常惊喜。法式幼滑薯蓉｜松叶蟹肉| 鸡油花雕呢个前菜好精美，好有高级法国餐嘅感觉。蟹肉好新鲜鲜甜，一d腥味都无，应该系原只拆肉。薯蓉好滑，配埋蟹肉好好味。鸡汤花雕为呢度菜画龙点睛，鸡油嘅香同酒香令呢道菜嘅味道同鲜味再提升一个层次。葱烧龙趸石班鱼柳，潮州酸菜，莳萝蛋黄酱 汉堡包配薯条。葱烧龙趸石班鱼柳，个鱼柳煮得好嫩，肉质鲜美结实，简直系一个非常高级嘅鱼柳包。配上潮州酸菜和莳萝蛋黄酱，呢个酸菜唔会太咸，酸甜味好平衡，加上脆口嘅口感，为个汉堡带黎多种味道。川味烤西班牙红毛猪肋骨 及 顶级西班牙牛臀扒配炸美国薯仔，蟹籽甜酸汁川味烤西班牙红毛猪肋骨烧得好入味，加上川味腌酱，味道带少少香辣，猪肋骨好入味。牛臀扒煎得恰到好处，好冧好有牛味。呢个菜真系好啱d食肉兽。咸梅西瓜沙冰西瓜沙冰其实好多地方都有，但加埋咸梅粉就真系第一次，估唔到系咁好味。咸梅嘅咸，反
何兰正一听就知系一个玩味甚浓嘅餐厅。餐厅位于兰桂芳，装修好有50年代怀旧风。餐厅其实系一间酒吧，提供唔同嘅cocktail, 本地狮子山啤酒，其他无酒精特色饮品。餐厅虽然餐厅系怀旧港式茶餐厅装饰，但提供嘅系新颖中西fusion菜，呢度嘅食物真系令我非常惊喜。
法式幼滑薯蓉｜松叶蟹肉| 鸡油花雕
呢个前菜好精美，好有高级法国餐嘅感觉。蟹肉好新鲜鲜甜，一d腥味都无，应该系原只拆肉。薯蓉好滑，配埋蟹肉好好味。鸡汤花雕为呢度菜画龙点睛，鸡油嘅香同酒香令呢道菜嘅味道同鲜味再提升一个层次。
葱烧龙趸石班鱼柳，潮州酸菜，莳萝蛋黄酱 汉堡包配薯条。
葱烧龙趸石班鱼柳，个鱼柳煮得好嫩，肉质鲜美结实，简直系一个非常高级嘅鱼柳包。配上潮州酸菜和莳萝蛋黄酱，呢个酸菜唔会太咸，酸甜味好平衡，加上脆口嘅口感，为个汉堡带黎多种味道。
川味烤西班牙红毛猪肋骨 及 顶级西班牙牛臀扒
配炸美国薯仔，蟹籽甜酸汁
川味烤西班牙红毛猪肋骨烧得好入味，加上川味腌酱，味道带少少香辣，猪肋骨好入味。牛臀扒煎得恰到好处，好冧好有牛味。呢个菜真系好啱d食肉兽。
咸梅西瓜沙冰
西瓜沙冰其实好多地方都有，但加埋咸梅粉就真系第一次，估唔到系咁好味。咸梅嘅咸，反而更吊出左西瓜嘅甜味，令个饮品更加清甜。
椰青龙井冷泡茶
茶味清香，再加上椰青嘅清甜，真系好清新，令人回味无穷。
初时以为呢间餐厅只系玩味为主，都系谂住去打下卡，但估唔到佢嘅食物质素同佢餐厅名一样Ho Lan Jeng，而且价钱合理，啱晒一班朋友食饭吹水。
张贴
