影片
更多
2019-06-20
587 浏览
最近响铜记湾仔交界近桥位果堆酒吧区开咗间超eye catching咁玩味酒吧，门口两边半户外打卡枱再加埋超鲜艳嘅霓虹灯，净系个门口已经系值得帮衬嘅理由啦😗店如其名呢度主力做tapas为主，冷热夹埋都有十几款，而且好多都好过瘾，当中有两款一冻一热系超钟意，冷盘代表有棒棒鹅肝，鹅肝系蒸完再搓成丸雪冻，食落个质地有啲似truffle chocolate咁微软心，味道当然系好重嘅鹅肝味啦，不过同时有啲开心果碎同黑椒碎之类沾到鹅肝上，食落好惹味，同埋唔知点解我同朋友都食到少少类似咸蛋嘅感觉😂至于热盘代表就系西班牙薯仔蛋饼，呢度个蛋饼同传统嘅唔同，依香港人喜好而改良成流心效果，流出嚟嘅薯仔粒同蛋汁再加埋饼上嘅蛋黄酱同红椒粉等超惹味✨其他tapas有慢煮八爪鱼，好少见到连八爪鱼都有得慢煮，比起平时食嘅质地多咗份软滑感，味道都好有鲜味，连埋鲜茄蓉微酸感觉开胃😗烤红虾听闻系店家得意之作，味道好香口，特别系个虾头，连我呢个本身对熟虾冇乜兴趣嘅都想啜多两下🤣 仲有一款鹅肝脆包同样出色，就咁煎鹅肝连埋红酒煮过嘅梨片盛上又薄又脆嘅脆包食，味道可以话系无懈可击，不过就比棒棒版少咗特色就是😗呢度主菜方面选择唔多，二
店如其名呢度主力做tapas为主，冷热夹埋都有十几款，而且好多都好过瘾，当中有两款一冻一热系超钟意，冷盘代表有棒棒鹅肝，鹅肝系蒸完再搓成丸雪冻，食落个质地有啲似truffle chocolate咁微软心，味道当然系好重嘅鹅肝味啦，不过同时有啲开心果碎同黑椒碎之类沾到鹅肝上，食落好惹味，同埋唔知点解我同朋友都食到少少类似咸蛋嘅感觉😂
至于热盘代表就系西班牙薯仔蛋饼，呢度个蛋饼同传统嘅唔同，依香港人喜好而改良成流心效果，流出嚟嘅薯仔粒同蛋汁再加埋饼上嘅蛋黄酱同红椒粉等超惹味✨
其他tapas有慢煮八爪鱼，好少见到连八爪鱼都有得慢煮，比起平时食嘅质地多咗份软滑感，味道都好有鲜味，连埋鲜茄蓉微酸感觉开胃😗
烤红虾听闻系店家得意之作，味道好香口，特别系个虾头，连我呢个本身对熟虾冇乜兴趣嘅都想啜多两下🤣
仲有一款鹅肝脆包同样出色，就咁煎鹅肝连埋红酒煮过嘅梨片盛上又薄又脆嘅脆包食，味道可以话系无懈可击，不过就比棒棒版少咗特色就是😗
呢度主菜方面选择唔多，二选一拣咗霹雳蜜糖烤春鸡，食落又真系几霹雳😂 春鸡应该系慢煮过先至再作烤制，肉质完全系有齐慢煮嘅特性，超级滑溜弹牙同时又保留到肉汁响里面，至于酱汁好有香料味，同烤鸡好夹✨
最后私心推一下呢度个水果茶啫喱，水果茶就饮得多，但冇谂过可以整做啫喱，虽然茶味唔算好浓郁但都食得出有响度，而且加咗超多杂莓酸酸甜甜咁夏天食真系一流超钟意😍
张贴
