道頓堀御好燒專門店 (朗豪坊) (已結業)

喺香港想揾有得食有得玩嘅餐厅好难，一般嘅选择都系日式烧肉同韩烧。呢间日式嘅道顿堀御好烧专门店就系另一好选择，玩味好重嘅餐厅，令人十分期待！首先叫左一个海鲜五品御好烧，有带子，明太子，鱿鱼，虾等等。配料有椰菜，红姜，葱，蛋同炸粒，非常丰富！枱上仲有必需嘅酱料，烧汁，沙律酱，紫菜碎同木鱼碎，可见餐厅很希望将真正嘅御好烧呈现，很认真呢！由于我地第一次食，店员见到我地周围研究啲用具，好贴心咁走嚟介绍每样野点用。材料送上后，我地自己先拌匀所有材料，之后再跟教学做，第一次做有咁嘅样，我地都觉得唔太难呢！呢个就系成果啦，急不可待想快啲食呢！之前喺日本食过正宗老店嘅大阪烧，觉得呢个其实同日本嘅味道大致上一样，十分多层次！呢度海鲜嘅用料十分新鲜，特别系带子，鲜甜美味！一个当然唔够食啦，叫多一个！今次增加难度，叫左一个杂锦广岛烧。主要不同之处系多左一个面，其他材料有少少唔同。食落就多啲层次同口感，饱肚感亦重啲。味道一样好味！总括而言，餐厅有诚意，认真，价钱亦合理，可见点解长期咁多人排队食呢！