影片
更多
2017-08-02
663 浏览
有留意开唔同社交媒体，不难发现呢间新嘅玫瑰主题餐厅，讲到主题餐厅，可能好多人都会觉得环境行先，本来我都以为只系间装修靓靓嘅cafe，不过呢度卖嘅除左系环境，仲系食精致嘅法国fusion菜。餐厅位置唔算好多，最好都系先行预约。里面布置成城堡，以玫瑰花为主调，偏白灯光，几幅玫瑰花墙轻松成为打卡热点，地面铺有草地，枱面放有玫瑰干花瓶，而较亮眼嘅当然系正中心嘅秋千、角落嘅「鸟笼位」，仲有转角嘅拱门设计，用上大量玫瑰装饰，虽称唔上精致，但不至于俗气。相信大部分人都同我一样，系被咁少女嘅装潢吸引而来虽然系全新嘅餐厅，不过椅背嘅旧有痕迹清晰可见，而可能尚在试业阶段，店员亦比较清涩，未及时交入座后提供清水，亦未见餐巾，可能迟一步稳定落黎再体验。平日晚上加上新开业不久，客人唔多，只有两三枱，情侣、少女们大可以放心影相。晚市供应套餐，包括前菜、头盘、汤、前菜、主菜、甜品、饮品，定价 $298-528，喺旺角区而言属颇高消费。据店主所言，未来会陆续供应单点款式食品，到期时可按胃口决定单点还是套餐，更具弹性。煎日本带子配腊肠、菜莆及粟米蓉带子煎香两边，新鲜肥美，不过如果唔系睇番餐牌，都唔觉食左腊肠、菜莆同粟米
餐厅位置唔算好多，最好都系先行预约。里面布置成城堡，以玫瑰花为主调，偏白灯光，几幅玫瑰花墙轻松成为打卡热点，地面铺有草地，枱面放有玫瑰干花瓶，而较亮眼嘅当然系正中心嘅秋千、角落嘅「鸟笼位」，仲有转角嘅拱门设计，用上大量玫瑰装饰，虽称唔上精致，但不至于俗气。相信大部分人都同我一样，系被咁少女嘅装潢吸引而来虽然系全新嘅餐厅，不过椅背嘅旧有痕迹清晰可见，而可能尚在试业阶段，店员亦比较清涩，未及时交入座后提供清水，亦未见餐巾，可能迟一步稳定落黎再体验。平日晚上加上新开业不久，客人唔多，只有两三枱，情侣、少女们大可以放心影相。
晚市供应套餐，包括前菜、头盘、汤、前菜、主菜、甜品、饮品，定价 $298-528，喺旺角区而言属颇高消费。据店主所言，未来会陆续供应单点款式食品，到期时可按胃口决定单点还是套餐，更具弹性。
煎日本带子配腊肠、菜莆及粟米蓉
带子煎香两边，新鲜肥美，不过如果唔系睇番餐牌，都唔觉食左腊肠、菜莆同粟米蓉 (笑)
黑鱼子酱鸡胸
好似风干脱水嘅鸡肉咁，未至于嫩滑，但都唔干身，纯粹以黑鱼子调味，不过都唔单调。
三文鱼他他及薄切生牛肉片配自家制泰式汁
作为头盘，都几开胃，仲令我地谂起另一间法国菜餐厅呢。
餐汤：洋葱汤、面包
洋葱汤系稍为唔合口味嘅一环质地稀身似中汤，饮落带甜，食完面包再饮汤的话，甜味更显突出。
厨师解释谓店家用嘅系有机嘅洋葱，做法亦有别于一般洋葱汤。
自家制半生叉烧配米型粉、甜豉油汁 $428
喺西餐厅中见到叉烧二字都颇为惊讶，以牛肉眼做成半生叉烧嘅模样，旁边伴有菜心苗，用上米型意粉当成饭，卖相都几可乱真
当然啦牛肉眼本身肥脂部位唔多，就扮唔到「半肥瘦」喇，斋食肉嘅部分会觉得比较干身，肉质都算嫩腍，食落唔鞋口，基本上冇乜牛肉味，主要系靠沾上用十几种香料制成嘅甜豉油汁提升味道，确实有少少似食紧瘦叉，独欠精粹蜜汁同脆皮。米型意粉嘅份量唔多，但足够饱肚。
三文鱼波板糖配西班牙红虾、牛油果蓉、日本豉油泡沫 $528
黎呢度食野之前要调整好心理，食嘅系fusion菜、sell嘅系创意同靓料，呢道三文鱼波板糖系大厨为餐厨设计嘅菜式，中规中矩，不过定价高。
西班牙红虾听闻系世界上最好食嘅虾，一共两只，珍宝大小，食落爽甜，有别于一般日本菜食到嘅虾刺身
至于三文鱼做成波板糖形状，以芝士做出糖棍，新鲜肥美，芝士味亦甚为香浓。面头均匀搽上牛油果蓉，睇落同芥茉都好似。
食到甜品其实已经系两小时之后嘅事，好在可以喺店内影下相，消磨时间。如果喜欢慢食，同另一半或者朋友倾下计，呢度就唔催唔赶喇。
甜品试到店家嘅招牌玫瑰花蛋糕，卖相好靓，仲用上好似「魔镜」造型嘅碟衬托，影相期间我已经十分期待味道如何。
一黑一白分别系芝士蛋糕、芝麻糊炖蛋，冇令我失望呢，而且份量大方
芝士蛋糕质地香滑，味道浓郁，特别系饼底够厚，而且加入蜜糖，既有卖相亦有内涵。相对之下，芝麻糊略为失色，虽然系炖蛋，但芝麻味本来就突出，反正既然会盖过蛋香，倒不如再重手啲，至于质感就唔似动L炖蛋，食落都系似芝士蛋糕。最近沉迷芝麻味甜品嘅我就觉得芝麻味再浓更正。
胎菊金骏眉红茶
玫瑰铁观音青乌龙茶
饮品选择颇多，有咖啡、茶、朱古力、特饮等超过20款。
食完主菜后，店员就送上热茶，并提醒要焗大概十五分钟，茶嘅味道较为浓，玫瑰、胎菊嘅味道较弱。
今次试左两个套餐，上菜速度正常，逐道菜上，唔好当系一般西餐，食物摆盘都好精致，对融合菜唔系太多认识，加上自行脑补过，个人认为味道方面都比想像中好，只系定价稍高。不过我留意到嘅系下午茶时段嘅tea set收费反而唔贵，卖相几靓，有机会再参考他人评语，再决定会否一试。
餐牌：
张贴
