影片
更多
2018-03-01
2145 浏览
工厦活化，除咗观塘区做得有声有色之外，其实位于荔枝角嘅D2 place入面，亦越开越多铺头。除咗有好多小店、亲子乐园、餐厅之外，商场入边仲会不定期举办小型市集。更突显到置身喺工厦之中嘅D2 place与别不同。 地下楼层有几间餐厅，其中一间占为比较多，环境又比较宁静嘅就系Holly Brown Coffee！门口仲写住星期一至五，六点后均有50% Off！不过就唔包饮品同甜品~ Haystack onion Angus Beef Burger $148［分数：8/10］ 先叫两份主食，汉堡包类都有成九款选择，当中包括有牛、鱼、羊、鸡及素菜包。而我就拣咗安格斯洋葱汉堡，入面有安格斯牛肉汉堡扒、煎蛋、洋葱、蕃茄、生菜同车打芝士，再配上烧烤酱。另外，旁边仲有一大堆薯条伴碟！ Haystack onion Angus Beef Burger $148 ［分数：8/10］ 最吸引人嘅绝对系包面上水啷啷嘅太阳蛋！由于佢嘅洋葱原来系炸洋葱圈，再加上厚厚嘅汉堡扒，切起上嚟真系有啲困难。汉堡包面够松脆，汉堡扒唔会煎得太老，入面仲有啲肉汁。再加上切开太阳蛋嘅时候，蛋汁渗入馅料入面，食落去特别香
工厦活化，除咗观塘区做得有声有色之外，其实位于荔枝角嘅D2 place入面，亦越开越多铺头。除咗有好多小店、亲子乐园、餐厅之外，商场入边仲会不定期举办小型市集。更突显到置身喺工厦之中嘅D2 place与别不同。
地下楼层有几间餐厅，其中一间占为比较多，环境又比较宁静嘅就系Holly Brown Coffee！门口仲写住星期一至五，六点后均有50% Off！不过就唔包饮品同甜品~
Haystack onion Angus Beef Burger $148［分数：8/10］
先叫两份主食，汉堡包类都有成九款选择，当中包括有牛、鱼、羊、鸡及素菜包。而我就拣咗安格斯洋葱汉堡，入面有安格斯牛肉汉堡扒、煎蛋、洋葱、蕃茄、生菜同车打芝士，再配上烧烤酱。另外，旁边仲有一大堆薯条伴碟！
Haystack onion Angus Beef Burger $148［分数：8/10］
最吸引人嘅绝对系包面上水啷啷嘅太阳蛋！由于佢嘅洋葱原来系炸洋葱圈，再加上厚厚嘅汉堡扒，切起上嚟真系有啲困难。汉堡包面够松脆，汉堡扒唔会煎得太老，入面仲有啲肉汁。再加上切开太阳蛋嘅时候，蛋汁渗入馅料入面，食落去特别香滑！
Margherita $118［分数：7.5/10］
因为汉堡包已经有大大件汉堡扒，所以薄饼就拣清少少嘅Margherita。唔好睇佢好似剩系得番茄酱同芝士，其实当中已经混入左四种芝士，包括有mozzarella、jack & cheddar、parmesan、feta cheese！真系啱晒钟意食芝士嘅我，如果饼皮可以再焗得脆身啲就更好喇！
Willy chocolate party $128［分数：8.5/10］
食完两款主食之后，终于到甜品啦！呢杯其实都唔知当佢系饮品定甜品好！最底下嘅系冻朱古力，杯边痴满左Oreo饼碎，四四方方嘅系chocolate brownie ，而最顶层嘅就系一杯倒转咗嘅雪糕，雪糕筒边仲要有埋朱古力脆皮！
Willy chocolate party $128［分数：8.5/10］
由面食起！朱古力雪糕非常浓郁，朱古力脆筒亦好好食！反而chocolate brownie有少少似蛋糕，但质感口实啲，朱古力味冇想像中咁浓。至于底下嘅野饮，朱古力味亦都好浓，如果三者之中作比较，一定系雪糕嘅朱古力味最浓！不过饮/食半杯已经想投降了！
Rose Cream Butterfly Soufflé Pancake $168［分数：7/10］
最后仲有一个超靓嘅蝶舞翩翩！其实系一个特大嘅梳乎班戟！粉红色嘅系玫瑰忌廉，上面仲摆咗几只蝴蝶同花花做装饰。另外亦会配埋一球玫瑰味雪糕。梳乎班戟真系份量十足 ！班戟口感绵软，但松软度比一般嘅实少少，所以虽然系甜品但都几饱肚！再加埋上面面嘅忌廉，一次过食太多真系会有啲漏。不过如果配埋个玫瑰雪糕一齐食，可以降低腻感！不过真系建议四个人食应该会更加适合。
******************************
Holly Brown Coffee Roasters (荔枝角)
荔枝角长顺街15号D2 Place二期地下1号舖
******************************
以上消费：$472
味道：8/10
环境：8.5/10
服务：8.5/10
卫生：8.5/10
抵食：8/10
张贴
