一起果醬 (已搬遷) 新店位置

嚟到西贡想食个下午茶。见到呢间有自制果酱嘅小店，所以试吓下午茶。见到人哋食评话佢个松饼几好食，所以我就点左一个松饼，有得再拣一款佢哋自家制嘅果酱。佢哋好多款果酱，而我选择嘅系玫瑰苹果。首先讲松饼，佢做得非常之有牛油香，而且质感亦都湿润嘅，唔似有时出边食𠮶啲咁干。果酱方面，我觉得玫瑰苹果呢个配搭几好，真系有玫瑰嘅清香，亦都有苹果嘅甜。唯一不足之处嘅系，我觉得佢个果酱太甜了，建议可减少甜度。另外听店员推介，如果想冇咁甜的话，其实可以试吓佢个桂花梨味嘅果酱嘅，可能我下次会试呢个。见到佢有一个set系$49有三个松饼加一款果酱同clotted cream，如果多啲人嚟可以一齐share呢个食㗎。最后咖啡𠮶边我就觉得几失色，唔够咖啡香。毕竟咖啡唔系呢间铺嘅主打，我建议大家就唔使叫了。